叫咗1個薄餅(超級撒雅人肉腸mix椰香夏威夷人)同1個意粉(Carbonara)
比較有人氣嘅超級撒亞人肉腸，顧名思義就係成個薄餅都係超多辣肉腸，啱晒食肉獸，佢上面有一啲蒜蓉醬同羅勒，幾好味，不過就略嫌鹹咗啲🥺🥺呢款係偏向重口味！
所以另一款我哋就叫咗椰香夏威夷人，上面有比較清甜同酸味味嘅菠蘿條，可以中和返食咗咁多肉嘅重口味😆不過佢Menu上就話有椰絲，我哋就食唔到/見唔到有椰絲😅😅唔知係咪放咗喺個餅底入邊定係點樣？哈哈🤣呢款就比較清新啲，個人覺得呢隻好食😚
叫咗個Carbonara，意粉就不過不失，普通！
要注意，薄餅上菜嘅速度都幾慢，兩個人食晒成碟意粉，都等咗好耐，個薄餅都未嚟🥲如果想一邊食意粉再一邊食薄餅嘅話，建議意粉可以遲啲先落單！
Pizza整體係好食嘅，值得一試，啲料都好豐富！但係薄餅底好濕好淋，好似食緊漿糊咁，呢度有少少扣分😭但係如果要排咁耐隊先有得食，就未必會再去啦🙈🙈
—————————————————————
Mother of Pizzas (銅鑼灣)
銅鑼灣禮頓道13-19號地舖
