Video
Read full review
2020-06-07
2380 views
見到帝苑酒店做緊優惠，住一晚仲包晚餐， 都只係一千七百蚊兩位，而且仲要係頗有名氣的意大利餐廳 Sabatini， 絕對不能錯過！環境：作為一間老牌的意大利餐廳，由入口開始擺放嘅裝飾，拱形的走廊設計，Sabatini 的裝潢仿佛令人感覺置身於歐洲。以陰暗嘅格調做主題，每張抬上放上蠟燭，帶給人浪漫的感覺，難怪都成為年輕情侶至老夫老妻慶祝紀念日嘅不二之選。係我哋食飯當日，目到至少有七枱朋友為另一半慶祝生日，剩係聽生日歌都聽左七次，哈哈！不過都係一件令人值得開心嘅事！Live Music:相信唔少人都知，呢度其中一樣令人吸引之處就係佢嘅 Live Music ，當晚有雨位外國人不定時為客人獻唱音樂，柔和嘅結他聲配上悦耳甜美嘅歌聲，絕對係美食以外最好嘅配菜！仲有，去到晚段時間，歌手會去多謝客人來臨，仲會問每抬有冇咩歌想點唱，如果同另一半一邊慶祝紀念日，一邊聽住屬於你哋嘅歌，係幾咁浪漫！食物：我哋其實今次有幸去到 Sabatini 食飯，並唔係慶祝紀念日，而係見咁平，買左帝苑酒店嘅一晚住宿連意大利餐廳晚餐套票，都只係承惠$1760，平時雨位去 Sabatini 食一餐可能都唔止呢個價，抵呀！我哋嘅
環境：
作為一間老牌的意大利餐廳，由入口開始擺放嘅裝飾，拱形的走廊設計，Sabatini 的裝潢仿佛令人感覺置身於歐洲。以陰暗嘅格調做主題，每張抬上放上蠟燭，帶給人浪漫的感覺，難怪都成為年輕情侶至老夫老妻慶祝紀念日嘅不二之選。係我哋食飯當日，目到至少有七枱朋友為另一半慶祝生日，剩係聽生日歌都聽左七次，哈哈！不過都係一件令人值得開心嘅事！
Live Music:
相信唔少人都知，呢度其中一樣令人吸引之處就係佢嘅 Live Music ，當晚有雨位外國人不定時為客人獻唱音樂，柔和嘅結他聲配上悦耳甜美嘅歌聲，絕對係美食以外最好嘅配菜！仲有，去到晚段時間，歌手會去多謝客人來臨，仲會問每抬有冇咩歌想點唱，如果同另一半一邊慶祝紀念日，一邊聽住屬於你哋嘅歌，係幾咁浪漫！
食物：
我哋其實今次有幸去到 Sabatini 食飯，並唔係慶祝紀念日，而係見咁平，買左帝苑酒店嘅一晚住宿連意大利餐廳晚餐套票，都只係承惠$1760，平時雨位去 Sabatini 食一餐可能都唔止呢個價，抵呀！我哋嘅套餐包以下幾樣，頭盤蜜瓜拼巴馬臣火腿，仲有鵝肝多士，意大利雜菜湯，而主菜方面有兩個選擇， 分別係羊架或小龍蝦海鮮意粉，我哋兩個人各叫左一份，餐廳仲好貼心咁幫我哋分咗兩碟羊架，方便我哋食。最後仲有一個拿破崙蛋糕同埋朱古力黑森林蛋糕做甜品，當然唔少得帝苑酒店餅房最出名嘅蝴蝶酥同埋朱古力啦，所以都算係多嘢食，唔錯唔錯！
歐洲餐廳，法國麵包做頭盤是常識吧！🍞
43 views
0 likes
0 comments
蜜瓜拼巴馬臣火腿，鵝肝多士
蜜瓜十分鮮甜， 配上巴馬臣火腿，中和左火腿鹹嘅味道，絕對係絕配。而鵝肝唔使多講，睇相都見到份量好大，有好香嘅油香味，配合多士一齊食， 簡直係一種享受。
蜜瓜火腿拼鵝肝多士
77 views
0 likes
0 comments
蜜瓜火腿拼鵝肝多士
35 views
0 likes
0 comments
羊架：
呢度嘅羊架十分出色，一放上枱已經聞到好香嘅羊味，而且肉質唔會好韌，咬落好有口感，配埋芥末同埋薄荷醬，味道同層次更加提升到另一個境界，正！
羊架
79 views
0 likes
0 comments
羊架
71 views
0 likes
0 comments
小龍蝦海鮮意粉：
呢個意粉個人有啲失望，比較普通。首先意粉唔夠彈牙，食落冇乜感覺，其次意粉醬汁味道唔夠突出，只係好普通嘅番茄醬，而且醬汁一舊舊，好似未煮得均勻，但係勝在海鮮配料夠多。雖然整體嚟講味道都唔算差，不過係呢間餐廳食得，期望一定會高啲，可惜以呢個意粉嚟講真係好普通，甚至外面好多平價餐廳仲好食過佢，失望！
小龍蝦海鮮意粉
77 views
0 likes
0 comments
小龍蝦海鮮意粉
41 views
0 likes
0 comments
意大利雜菜湯：
顧名思義，呢個湯真係好多雜菜，雖然個人嚟講唔算好鍾意食雜菜，但係呢個湯啲雜菜煮到好淋，配合埋個湯又幾夾， 不過不失！
意大利雜菜湯
38 views
0 likes
0 comments
甜品：
呢度嘅甜品絕對冇令人失望，特別係朱古力黑森林蛋糕，朱古力味好濃沃，而且好細滑，配合埋蛋糕一口咬落去，令人甜落心！當然， 呢度嘅拿破崙蛋糕亦都好出名，食落卜卜脆，正！不過呢啲都唔係重點，最令我吸引嘅一定係呢度嘅蝴蝶酥，食落真係好鬆脆， 而且表面嘅焦糖味好香， 真係令人有衝動去佢個餅房買一大包返去食，哈哈！
是日甜品
52 views
1 likes
0 comments
蝴蝶酥
36 views
0 likes
0 comments
美中不足：
整體嚟講呢間餐廳真係好高質，但係又點會有嘢係完美㗎。我哋訂嘅呢個 Package 包 Sabatini 晚餐兩位，一入去侍應問我哋飲唔飲嘢，我哋本身都知道應該冇包嘢飲，但係又見佢咁樣問，所以我好奇問佢有咩飲，之後佢用一個歧視嘅目光望住我，再講咗一大堆飲品，咁我見佢有提到有香檳可以叫，我哋就叫咗兩杯，點知去到最後要收我哋三百幾蚊，我哋真係O 左... 雖然知道來得呢啲高級餐廳， 多數啲有錢人都係唔會問價錢，但係我認為如果侍應見我哋係 Package 唔係街客散叫，而個餐冇包飲品，佢就唔應該咁問我哋飲唔飲嘢，令人感覺以為係包埋，正式嚟講係唔應該用一個歧視嘅眼光望住我哋咁問，仲唔比price list我哋睇，令我哋誤會，唔係話畀唔起錢，但係嗰個Experience真係唔係咁好，好似畀佢焗咗我哋咁。 呢個我覺得餐廳真係要改善下！
Post
