鱈卵屋 (Closed)

成日聽人講日本明太子好好食，但其實未認真食過，今次朋友帶我去試試呢間鱈卵屋，專門用明太子做各種料理。一打開menu，睇到餐廳既簡介，佢地使用既明太子係博多直送，另外仲好多產品俾你買。Brew Master。我對於酒類不太喜愛，但友人點了支手工啤，好奇心下試試同平時的啤酒有何分別。一入口幾清爽，啤酒的苦味不太重，平時不飲酒的我都覺得好順口，去到最後味道仲會苦中帶甘，同其他料理幾夾。明太子上灌湯蛋卷。超好味！用左上湯整既蛋卷唔會太甜，再加上明太子，令個蛋卷好鮮味。推介用埋枱上支明太子版tabasco，會更加惹味。鱈卵碗（火灸三文魚+火灸油甘魚）。一碗三種食法：一開始直接食用，食到各種食材原味，鮮甜的魚生飯。之後加上其他配料，整成個人口味的飯。最後係茶漬飯，加上上湯，味道會更濃郁，上湯唔會太咸而搶哂其他既味道和風醬特色明太奶油烏冬。友人點的，偷侈食左幾啖，本來以為會好似西餐咁個奶油好「漏」，但竟然食落幾清新，完全無油膩感，推介！極品的蕃薯。甜品選擇唔多，但好好食，好有蕃薯味甜度剛剛好。