漁獲浜燒 (Closed)

本身無得去日本有啲唔開心，但來到呢到都食到果種日本水準都算係唔話得。講真呢到果價錢真係唔算平架，但係都係果句啦，機票錢都加埋落去真係差唔多啦。佢呢到的服務都算幾好，侍應非常勤快，座左係到一陣飲咗2啖水，佢都已經同你加，仲要成日來睇下你有咩需要。侍應哥哥會介紹下佢地d食材同埋煮法果d,都幾專業喎，同埋佢會幫你諗咁多個人d野夠唔夠食。唔會叫得太多眼闊肚窄。咁就叫左個好似係明太子玉子燒咁嘅嘢，正正常常咁無話好特別。呢個燒牛舌比較好食嘅，最鐘意佢果種脆脆地果個口感。呢個食到條魚係新鮮之外其實都無咩特別好食，食完侍應哥哥會問你個魚頭攞來點煮咁（好似係）呢個就比較好食，唔太記得佢話點煮，但睇到都覺得佢好味同有料到。呢個又係非常好味，蟹蓋好濃，配麵包非常好食。呢個海膽夠新鮮，冇腥味，又係一流咁好食。其實可以叫得板都得，但都真係唔平好似成9xx最後如果你都有番d budget都不妨一試，因為新鮮直運成本都偏高，要番咁上下價錢都算正常。