凱逸餐室

Open Now

Now Closed

今日下午出去合益街市及千色嗰頭補充日用品，買嘢前首先於附近茶記食咗午飯。Openrice快睇之下，見到凱逸餐室好似評價唔錯，所以決定同家人試下。酸辣手撕雞米線，味道OK, 不過手撕雞的份量過少。- 凍紅豆冰，一般，但太甜啦雞扒煎蛋肉燥飯，飯扒大大件，炸得幾好味，煎蛋都OK，但肉燥就麻麻。- 凍奶茶係有茶味，不過有啲苦澀味，我唔係太鐘意。- 例湯唔會太咸，反而唔錯至於環境方面就較為差，首先整體冷氣係完全唔掂，當你由外面行入餐廳，你竟然感覺唔到餐廳入面的溫差。另外，我地亦親歷其境，店內運作都幾混亂，店員因入錯枱號而互“丙“對方。至於服務方面，我地逗留的短時間，最常聽到店員的回應係“等陣“，態度絕對好一般。總結，雖然食品某程度上唔錯，不過如果考慮埋環境及基本服務方面，應該唔會再有下次啦。Hi Openrice team, 提議你地檢視一下凱逸的食評，部分食評相信應屬於另一餐廳。