漁獲浜燒 (Closed)

難得同朋友食日本料理，當然要叫唔同食物試吓啦。今次一行四人去到銅鑼灣嘅漁獲浜燒，一出電梯已經係餐廳門口。餐廳裝修以木為主，裝修擺設好日式Feel。實在太肚餓了，先來兩個細芝麻鹽醬椰菜，酸酸甜甜嘅味道好開胃。由於太肚餓唔夠喉，再叫左一客特製黑松露炙燒平目魚邊沙律🥗，同樣地蔬菜非常新鮮爽口，由於平目魚經過火炙燒，所以魚油鋪滿面，食落去更加Creamy。繼而就叫咗一份赤鮭刺身，賣相非常吸引，魚身呈現粉紅色，面頭嘅魚皮經過火燒，即刻成為影相焦點。刺身質感爽滑，而且味道鮮甜無比，唔需要點豉油同Wasabi都一樣好食。食完啲刺身個魚頭攞入去廚房炸，口感脆卜卜，連骨食。之後叫咗啲特飲。由於餐廳嘅飲品實在太多選擇，我哋每人分別叫咗不同嘅飲品試吓。我一向都鍾意乳酸味道，見到有乳酸梳打，叫咗一杯試吓。味道酸酸甜甜，有啲似益力多味道，而且好易入口，梳打有氣，飲落去更加開胃醒神。朋友就叫咗容易入口嘅Sapporo生啤、柚子梅酒同埋京姬 雪莉酒桶熟成梅酒。除此之外，朋友鍾意食海鮮，就Order咗好大隻嘅鱈場蟹、活帆立貝、文蛤蜆及同埋魷魚，全部即叫即燒。甜品方面，我哋各自叫咗柚子雪葩同埋番薯雪糕，係出面嘅居酒屋好