Video
Read full review
2024-01-28
488 views
首先，餐廳環境方面，係K11餐廳云云之中只是算還好，沒有什麼驚為天人打卡位，感覺只係普普通通餐廳裝修。雖然座位唔算迫，但身旁食客只要稍為聲浪大啲，都好影響個用餐環境。食物方面，我同朋友叫左名為「富」嘅dinner set，當然，米芝蓮一星推介，食物質素係唔差嘅，牛肉都係好有油香同肉味嘅，唯獨美中不足係最尾嘅甜品－豆腐雪糕，食落嘅感覺係芝士味，真係食唔出豆腐味。但其實每一道菜都冇話留下好深刻印象，只能講咁嘅價錢係應該要有番咁上下嘅質素。服務上，食完前菜之後就開始上肉類，個侍應係放底就行開左，個爐又開著左，已經鬼死咁熱，但又唔畀碟畀我地，隔左一陣先記得畀我地。然後明明見到隔離檯個啲會有侍應幫手燒，但原來係要自己燒嘅，搞到我以為自己同朋友食緊一人燒肉咁。啲肉係還好嘅，但本身佢啲牛肉係冇咩調味，主要係靠燒肉汁，檸檬汁，Wasabi，同鹽畀你調味，我suppose唔同部位燒嘅時間同配嘅調味會唔同，但問完侍應，聽完個意思就係你中意點配就點配啦，第一反係，下，唔係呀嘛。另外，佢每次上菜都好似要估道菜係咩嚟嘅，侍應好似完全唔想同你講野咁，唔會同你介紹道菜，又唔會推介你點食，就好似畀左碟野你你就食左佢啦
食物方面，我同朋友叫左名為「富」嘅dinner set，當然，米芝蓮一星推介，食物質素係唔差嘅，牛肉都係好有油香同肉味嘅，唯獨美中不足係最尾嘅甜品－豆腐雪糕，食落嘅感覺係芝士味，真係食唔出豆腐味。但其實每一道菜都冇話留下好深刻印象，只能講咁嘅價錢係應該要有番咁上下嘅質素。
服務上，食完前菜之後就開始上肉類，個侍應係放底就行開左，個爐又開著左，已經鬼死咁熱，但又唔畀碟畀我地，隔左一陣先記得畀我地。然後明明見到隔離檯個啲會有侍應幫手燒，但原來係要自己燒嘅，搞到我以為自己同朋友食緊一人燒肉咁。啲肉係還好嘅，但本身佢啲牛肉係冇咩調味，主要係靠燒肉汁，檸檬汁，Wasabi，同鹽畀你調味，我suppose唔同部位燒嘅時間同配嘅調味會唔同，但問完侍應，聽完個意思就係你中意點配就點配啦，第一反係，下，唔係呀嘛。另外，佢每次上菜都好似要估道菜係咩嚟嘅，侍應好似完全唔想同你講野咁，唔會同你介紹道菜，又唔會推介你點食，就好似畀左碟野你你就食左佢啦咁樣，去到中段我都忍唔住想問侍應我宜家上嘅菜係咩嚟㗎，佢先至會答我。去到食和牛熱狗同壽喜燒就終於有人serve我地，但我朋友個塊壽喜燒嘅肉係燒到肉都散埋，雖然唔影響味道，但感覺唔太專業。
埋單落樓2個人包埋兩杯酒總共二千幾蚊，只能講2千幾蚊我真係可以食something better in k11 with better food and service quality
總結，我同朋友去左食一間貴價高質嘅一人燒肉，值唔值就見仁見智，如果下次仲要再食，我同我朋友就會話No thanks la.
Post
