Mt. Chokai

尋晚同老公慶祝紀念日，揀左深水埗鳥海山鐵板燒。本身對呢間餐廳有啲期待，食物的確唔錯，海鮮好新鮮，佢活龍蝦龍蝦膏一齊炒，味道濃郁；炒飯香口爽身，味道都幾出色，老公對食物好滿意。

龍蝦

鮑魚

鵝肝多士

櫻花蝦炒飯

不過成晚服務令人感到無奈。我哋隔籬嗰台客人慶祝生日，叫咗幾支清酒，客人請師傅飲酒，師傅同佢哋傾多兩句都明白嘅。最後食完之後師傅問我哋啲嘢好唔好，連個「食」字都未講完，我連答佢都冇機會，佢就俾隔離客人yarp咗走去飲。講真，出嚟食鐵板燒其中一半樂趣就係睇師傅現場嘅互動同表演，依家變咗直頭係零尊。呢個價位過得嚟食，多數客人都係慶祝特別日子，隔籬枱就好高興，我就麻麻哋啦。

食物仍然值得一讚，但服務真係令人失望。不過唔緊要啦師傅話佢哋一晚做兩轉，fully book，呢啲咁優秀嘅餐廳就留返俾大家食。