海安咖啡室 (Closed)

無意中响網上發現呢間老牌咖啡室，但食嘅嘢又唔係懷舊嘢，我會用幾新穎嚟形容，因為全部都好啱鍾意打卡呃like 嘅人(包括我😁)，內裡裝修幾有feel，食物質素就普普通通，唔算有大驚喜。香蔥碎牛炒蛋厚多士 $32🥢🥢🥢蛋炒得又香又滑，蔥又香又有口感，而碎牛份量啱啱好，唔會搶咗蛋同蔥嘅味道，料多到滿瀉，要熱辣辣即刻食撈麵餐-叉燒煙鴨胸薑蔥香油撈麵 $45+$5 (雙併＋$5)🥢🥢🥢叉燒肥瘦適中，肉腍蜜汁入味，超正😋，而鴨胸ok幾香，至於撈麵就差少少，因為香油唔夠，導致乾爭爭一餅嘢咁，薑蔥係香嘅，但唔夠慷慨奶茶紅荳冰（跟餐＋$18)🥢🥢賣相幾靚，可惜大嚿冰唔係用奶茶做，冰一溶茶味就越嚟越淡😩，其實本身奶茶味都唔夠香濃架喇......紅荳又多又腍，但都補救唔到成杯奶茶粒粒西多士 $35🥢🥢🥢啅頭嘢，同普通西多士無分別，只係切粒炸同香口d，西多裡面無餡架，只係用三片薄方包加牛油夾埋一齊變厚身，但食果時都係要壓扁先食到二人共消費：$135