乾濕燒

話說多日無同老公拍拖撐枱腳, 沉晚機會終於來啦! 由於下星期就要去pre wedding, 節食左咁耐係時候要括出去一次 (然後重有一星期減肥) 🙊 哈哈哈! 十分喜歡吃燒燒燒既我, 講真食過咁多間除了屯門的’ 五月燒 ‘之外, 其他都食到我好失望 🙈 今次呢間’ 乾濕燒 ‘ 係朋友大大力推薦! 地點方便, 近我同老公放工, 所以就決定過來食 😍

一上到來, 老闆同員工耐心為我們介紹食物, 我地點左 ( 去圖 💕 )

招牌菜’ 金磚牛仔骨 ‘ ❤️
超級好食! 老公心心眼, 不停叫我幫佢影多幾張牛仔骨相話好靚好好食! 一睇就知係心機之作 👍🏻
員工話醃左一星期𠺢啦! 唔怪得咁入味!
完全唔會老同鞋口, 非常juicy 😋
老闆提議用生菜包住食無咁溜, 一流! 👍🏻

金磚牛仔骨

‘ 燒刀背 ‘ 😍
好正好鮮甜! 我想叫多份都無啦 😭
下次要留定多幾碟 🙊😍❤️

刀背

為食既我掛住食, 一次過影曬d食物相 😂
燒完忘記影直接食曬 🤣

續一介紹 💁🏼‍♀️
挑戰 ‘辣味雞翼! ‘ ❤️
老闆同員工叮囑過真係好辣 😆 但我要繼續挑戰 💪🏻 結果是辣到個咀腫曬 hahahaha ! 老公都辣到喊 🤣🙊 我繼續食埋另一隻 😋 正正正, 咀腫曬都無所謂 🤣👍🏻

另一招牌菜係 ‘ 厚切白鱔 ‘ ❤️
想講既係原本唔喜歡食鱔既我都搶左一半鱔來食! 😝 口感, 味道滿分 👍🏻

‘ 燒雞腎 ‘ ❤️
雞腎我由細到大都好中意食!
老闆醃到好入味! 老公食第一舊都話好正喎!
水準之作 😋😋😋

辣到腫曬的咀 🙊😆

‘ 牛油燒虎蝦 ‘ 😍
聽個名都知無死啦! 大大隻又新鮮 👍🏻

另外我地重叫左兩份 ‘燒韭菜’ , ‘燒茄子’ 同 ‘燒聖子’ ❤️
哎喲真係好食到爆! 又係為食之過忘記影相 😂

總括而言極力推薦呢間店 ❤️
原因 1) 良心店鋪! 食物水準在意料之上!
好有心機, 食物味道醃得好好, 好入味, 剛剛好 ❤️
原因 2) 老闆, 員工態度好! 有禮貌! 值得一讚係幾位年輕員工態度好好, 好細心 💕 周不時會來講解點燒同幫忙, 睇得出熱愛這工作, 我同老公講, 員工熱愛工作只有一個原因 , 就係老闆好 😊👍🏻 加油❤️❤️❤️

後日同妹妹慶祝生日飯再來試埋另一招牌菜 ‘ 鵪鶉脾 ‘ 😋😋😋