名 料理 (Closed)

最近依幾日好凍，也米😍約咗朋友仔一齊去燒嘢食，我哋搵到一間係日式放題🇯🇵，再加上有得燒烤任食任飲嘅餐廳。假日價錢係一個人$188，另加一，可以食兩個半鐘。-餐廳有個雪櫃比人拎燒嘢食嘅食材😙，每份都獨立包裝，好衛生👍🏻！燒完仲可以落啲孜然粉、七味粉同椒鹽粉調味。雖然佢哋都有提供牛油同蒜茸，不過金菇同娃娃菜真係唔知點燒🤣。食咗咁多款，我哋一致認為豬頸肉🐖、雞翼🐥同埋魷魚🦑最好食，串燒一般🥴。不過個爐除咗啱啱換咗新嘅Gas嗰段時間會幾猛火，其他大部分時間都燒得好慢😐，完全冇燒嘢食嘅氣氛，啲食物都幾難熟😵‍💫。-除咗燒烤，講明係日式放題，店主都有提供QR Code比我哋落單，可以叫前菜🥗、吉列炸物🍤同一啲熟食。不得不提個蟹籽沙律，都幾大碗🤔，有機會係跟人頭而安排份量。-食到最後，當然就係甜品時間，呢度有得任食雀巢雪糕🍦，分別有雲呢拿同埋香芋味。因為天氣凍，食完之後都幾凍🥶。