餐廳設有榻榻米4人位，充滿日系風格，榻榻米房唔需要盤膝而坐，座位都幾舒服🇯🇵
餐廳採用手機落單，壽喜燒定食有3款，揀咗推介嘅🌟牛肉壽喜燒定食($138)
壽喜燒係煮好後直接上碟，唔需要等牛肉煮熟，並有很多蔬菜。
配有白飯、酸蘿蔔及味噌湯。落單網站提供不同飲品及甜品/小食加購選項，抵過單點👍🏽
另一款主食點咗期間限定嘅🫖和牛茶漬飯($148) 牛肉味道非常香濃，揀咗配鰹魚昆布湯。食飯前先飲啖魚湯，鰹魚湯魚味唔算突出，卻品嚐到湯中帶淡淡茶味。跟餐加$15點咗一杯🍋熱檸檬紅茶
🐥和風炸雞盛盒(+$35) 有雞件及雞全翼，雞翼香脆
🍵抹茶蕨餅新地(+$35) 份量都幾多，有雲呢拿新地、抹茶雪糕、紅豆及蕨餅，味道唔錯，細食嘅朋友二人分享都適合
期間限定🎁紅葉甘之三味($88) 十分精緻，有藍莓味Tiramisu、牛奶布甸及夕張蜜瓜軟雪糕，一次過滿足3個願望🔮 當日隔離兩張枱嘅人都有點呢款甜品😆 個人最鍾意蜜瓜雪糕，蜜瓜味好香濃；Tiramisu 芝士及奶味濃郁，中間蛋糕軟熟；牛奶布甸表層有士多啤梨，布甸香滑
