Video
Read full review
2019-01-05
1167 views
陳根記一直係我大排檔首選，貪佢夠風味又有多特別菜式。知佢最近因租約期滿由沙田禾輋搬左去石門，就試試佢，睇下佢有無退步啦😬一到埗好多人排隊，因為搬左去鋪頭，所以有得拎飛，仲好似有得網上拎位，比起以前好似喺快餐店企喺到霸位更有系統，呢個值得讚。可能因為係平日同少人嘅關係，等左半個鐘倒就有位😌搬左去鋪位，環境衛生左好多，之前試過喺大排擋見到大老鼠經過。而家應該唔會有呢啲情況出現喇。第一道菜當然要叫佢招牌菜Wasabi手撕雞喇。今次wasabi好似重手左，食到漂眼水😂豉汁蒸大鱔鱔好大舊好肥美，而家市面嘅大鱔價錢好貴肉少，但呢到食落啖啖肉，好好味😋金銀蛋浸時菜呢個小菜無乜特別，味道正常，份量多，足料👍🏻另外，甜品鋪依舊喺隔離，食完可以直接叫，環境比以前衛生。總括，搬左去新鋪，依然係同一味道同一價錢，而且環境比以前乾淨衛生，值得去
知佢最近因租約期滿由沙田禾輋搬左去石門，就試試佢，睇下佢有無退步啦😬
一到埗好多人排隊，因為搬左去鋪頭，所以有得拎飛，仲好似有得網上拎位，比起以前好似喺快餐店企喺到霸位更有系統，呢個值得讚。
可能因為係平日同少人嘅關係，等左半個鐘倒就有位😌
搬左去鋪位，環境衛生左好多，之前試過喺大排擋見到大老鼠經過。而家應該唔會有呢啲情況出現喇。
第一道菜當然要叫佢招牌菜Wasabi手撕雞喇。今次wasabi好似重手左，食到漂眼水😂
豉汁蒸大鱔
鱔好大舊好肥美，而家市面嘅大鱔價錢好貴肉少，但呢到食落啖啖肉，好好味😋
金銀蛋浸時菜
呢個小菜無乜特別，味道正常，份量多，足料👍🏻
另外，甜品鋪依舊喺隔離，食完可以直接叫，環境比以前衛生。
總括，搬左去新鋪，依然係同一味道同一價錢，而且環境比以前乾淨衛生，值得去
Post
