Video
Read full review
2019-02-19
454 views
2個人叫左一份雜扒同炒飯，因為我同朋友都對湯同飲品無咩興趣，所以諗住單點，點知個女職員無咩語氣可言咁重覆問：唔跟餐？唔跟餐？唔使跟餐呀？起碼問左4，5次，雜扒落枱份量好大，又腸仔又煙肉又薯條，超大碟，2個人share食都夠飽，不過當然唔會咁做，而已牆上都貼明紙話唔消費要俾$20，炒飯亦都好大碟，炒得都算乾身，不過味道偏淡，雜扒就雖然份量大，不過個蒜蓉汁真係好咸，同埋肉質太淋，以太子區黎計佢食物既價錢唔算貴，份量亦算多，不過最差就係服務，職員好多，不斷有職員係你身邊行黎行去，不過啲職員個個都黑口黑面，完全無招呼，見你食完野唔會收野，飲晒水又唔會主動幫你加水，只係識行黎行去，最離譜係問其中一個短髮既女職員2次加水都係應完唔理，再問另一個又係短髮既女職員就扮聽唔到，係咁向前行，我地突登大聲啲叫：唔該！個女職員居然問：要幾多杯呀？我地心諗：本身以為你雖然無野做不過可能人多太嘈你聽唔到，點知原來係聽到想扮聽唔到做少樣野，轉頭連攞個水壺加水既動作都賴得做，隨手係前面攞左2杯只係斟左半杯滿既水黎，反而埋單個時就一叫就聽到，攞到張單埋黎我地就諗住用信用卡俾錢，點知果個女職員又再黑口黑面，毫無禮貌咁講：
餐廳係服務性行業，我地從來無要求你對客人千依百順，阿諛奉承，但係必須有最“基本”既服務態度，好老實講，幫襯過咁多間餐廳，呢間餐廳既服務態度真係差到唔知點形容，絕對唔會再幫襯亦唔會推介俾任何人，好唔明點解食野會食到咁受氣，呢間餐廳真係好需要改善下員工既質素
Post