85
66
33
Exit B2, Prince Edward MTR Station/ Exit B1, Mong Kok MTR Station/ Exit C, Mong Kok East MTR Station continue reading
Telephone
23803938
Introduction
以扒類為餐廳主打菜式,主打有西冷牛扒、神戶牛柳餐等。 continue reading
Opening Hours
Today
11:30 - 01:00
Mon - Sun
11:30 - 01:00
Payment Methods
Cash
Number of Seats
150
Other Info
Alcoholic Drinks
Phone Reservation
10% Service Charge
Review (214)
Level4 2020-06-17
165 views
🧸今日樹熊約好左熊妹去旺角睇啲野,買完野🛍就緊係醫肚喇。📌樹熊好耐無据過扒🥩,熊妹一唸就唸到位於太子西洋菜南街成日經過但無食過的《第尾牛扒》。📌餐廳源遠流長,歷史悠久,隨著時代變遷,一格格卡位🛋,仍然原用著綠色格仔枱布,再配合柔和燈光💡,可見怖局依然充滿懷舊風味。📌晚餐🅰️至ℹ️餐,一份主食:据扒或者飯食,包餐包餐湯同餐飲,價錢$87-$107,免加一,都幾抵食。牛油餐包餐包就係普通餐包,微軟,加一盒盒裝牛油🧈,溶溶地滲出淡淡牛油味。餐湯-羅宋湯樹熊同熊妹都揀左紅湯-羅宋湯,因為樹熊忌奶,熊妹又鐘意食雜菜。嘩,好驚喜喎!蕃茄湯味濃,絕對唔係水稀稀的,雜菜料好足,一塊塊椰菜、紅蘿蔔、西芹、青椒大大件,啖啖都食到,最特別係味道偏辣少少,放左紅辣椒🌶️一齊煮,變得酸酸味味又帶點辣味,鐵板肉眼牛扒,$99📌樹熊一心想据扒,肉眼就最🈴適不過喇。要左7️⃣成熟,大路食法。都幾大一塊,有大半吋的厚度,7成肉質幾嫩,無血水,顏色依然粉嫩,怕生可以烘多一陣先食。配菜有雜豆、蕃茄片同薯條,其實食完塊扒,連大食樹熊都唔係好食得落呢堆執飽肚野。鐵板什扒,$99📌熊妹見樹熊揀左牛,無謂又揀牛變成得牛食,所以揀什扒,咩都有。豬、牛、雞扒各一塊,仲有一片煙肉、一片火腿同一條腸仔,同樣地,有雜豆,蕃茄片同薯條托底。豬扒同雞扒就比較普通貨,鞋左啲啲,味道都係靠住濃烈的蒜蓉汁調味。反而牛扒都幾淋,唔係雪藏牛扒,肉質好嫩無血水,比肉眼薄啲仲易入口。餐飲-凍檸茶餐飲就例牌凍檸茶🍹,樹熊正常甜度,熊妹就少甜少冰。📌老字號《第尾牛扒》仲沿用著舊燈箱設計,相信都食到街知巷聞,想据平民價錢牛扒又要有質素,《第尾牛扒》都真係街坊福利喇。 continue reading
(The above review is the personal opinion of a user which does not represent OpenRice's point of view.)
Level1 2020-06-20
0 views
餐廳:大興餐廳 (第尾牛扒) (太子)地區:旺角地址:太子西洋菜南街218-220號1樓日期:17/6/2020時間:18:45人數:4人等位:唔洗價錢:大約$100/位今日約左幾個舊同事食飯,以往都係打邊爐、放題、韓燒等等,因為疫情關係,唔太敢食放題/打邊爐果啲,所以就上OpenRice 搵下有咩好嘢食,見到呢間大興餐廳啲野食幾吸引,所以就簡左呢間收工去食晚餐。我地嗌左4個鐵板扒餐(2份雜扒、2份西冷牛扒),會各包餐包餐湯同餐飲(正常港式扒套餐),餐包同餐湯(白湯)係一般無話特別好食唔好食,但係佢個扒真係不得了,我自己果份係黑椒雜扒餐,一上餐見到勁大份勁香,有雞扒、豬扒、牛扒、煙肉、腸仔、薯條,肉嘅味道中規中矩,但我覺得佢個黑椒汁夠多夠濃,搭配啲扒真係好好食,仲要食到好飽,大份夾抵食,一個餐先$93-100左右,cp值非常高,不過見佢出面個招牌寫”品牌咖喱 老式焗飯” 下次有機會再試試!推推!👍🏻👍🏻👍🏻👍🏻 continue reading
(The above review is the personal opinion of a user which does not represent OpenRice's point of view.)
睇到其他食評都有話呢間餐廳衛生 態度差 衛生就唔清楚 因當天去只覺好暗 舊式西餐廳 而服務可以話係無服務 叫我地入黎自己搵位 之後睇左陣就叫左2份肉眼鐵板 因睇過食評 好似都係話扒好食 而且自己都好耐無据扒了 短頭髮果位阿姨落單既 只問我地要咩汁 有黑椒同蒜蓉 揀左黑椒 2個白湯就走了 無問我地幾成熟 亦未講飲咩 以為係後叫 白湯係普通茶記既忌廉湯 之後上鐵板吱吱聲好夠熱 扒都好大塊 熟度都ok唔太生似7成 薯條硬硬地 都可以接受 之後口渴又叫了二杯凍檸茶 其中一杯小甜冰 阿姐上都有提點話邊杯係小甜冰 埋單係出去櫃枱埋既 $67x2=$134 凍飲無加錢 亦免加一 其實無收加一 無服務係可以接受 而且扒真係好好食又大塊 牛扒淋身 咁既價錢絕對值得一試 continue reading
(The above review is the personal opinion of a user which does not represent OpenRice's point of view.)
Level1 2020-06-06
0 views
平時行過路過,都一直想試下呢間第尾牛扒,但每次上去都因為比較多人排隊而放棄食呢間,今日早收工,就諗住同女朋友一齊去試下,六點鐘多小小,上到去唔係太多人,入到去探完熱 到我坐底,啲樓面都好似啞左咁,雖然係無乜人,好多位姐,我問多句坐邊都唔答人。坐底見到本mean同張晚餐餐牌,就問下同一個名既西冷牛扒有咩分別,到底係份量多啲定係牛肉靚啲,問左第三次呀姐先好唔耐煩咁答我,結果我叫左mean貴小小但聲稱肉靚啲既西冷牛扒,三成熟跟牛尾湯同雜果賓治。牛尾湯: 無乜特別 都唔算難飲。餐包: 正常。雜果賓治: 正常。西冷牛扒: 三成熟牛扒 都做到三成熟,但太多根同無乜肉味,只有脂肪位置比較有油香味,肉既位置 如果我合埋眼食,會感受到快餐式西冷既味道,黑椒汁第一啖入口唔錯,配上炸定既薯條,佢個黑椒汁比起出面係Ok的,可惜愈食愈咸,可能第一啖肚餓。服務質素:可見員工係度做野係非常之唔開心,又唔係特別多客特別忙,點解個樣可以黑到咁,對每枱客人都係咁差既態度,呢間餐廳唔止要改善食物質素,最主要員工質素都要改善,我剛剛食完 咀都未抹,個呀姐就黎收走佢,仲用我枱面張全新紙巾黎抹枱,唔係咁趕時間掛。 continue reading
(The above review is the personal opinion of a user which does not represent OpenRice's point of view.)
Level2 2020-05-18
384 views
今晚有事慶祝,但又唔想去花X餐廳,知道隔離有一間扒房未食過,價錢又好似平少少於是試一試。其實都唔使等好耐,不過你想坐卡位就要等一等,條隊都算去得快。環境算ok,燈光較黑暗。自已點了鐵板西冷牛扒,朋友就點了鐵板帶子鑊仔牛柳。先來了一個湯和餐包,湯都算足料。其他港式牛扒好興喺你面前淋汁上面,貪佢咋咋聲嗰種視覺享受。呢度你唔同侍應講分上,佢就幫你淋埋先出餐。黑椒汁慢慢滲入牛扒內,經高溫烤後,牛扒會更為焦香,每啖都有濃郁的牛香味,加上薯條香口,難怪那麼人排隊。整體嚟講咁樣嘅價錢畀對返嘅食物,值得再嚟。 continue reading
(The above review is the personal opinion of a user which does not represent OpenRice's point of view.)