Video
Read full review
2007-08-17
20 views
難得約到大班人打邊爐，去跑馬地有骨氣真係一肚氣。$88任飲任食6:30-8:45，過時加收每位$68。我地成班人咪早收工6:30去到，先知湯底要$130(仲要好一般，點都唔值$130)，醬油每位$10，但得碗豉油，要其他醬每碟再加$10，仲要加一。咁多人咪要2個湯底，到寫紙點齊食物都七點，但佢好快上左湯底就無食物到，連飲品都欠奉，叫左三次待應都回應「得」但就無行動，到有飲品來，完全唔係我地order個d，我地無人飲汽水就推左4罐俾我地，我地唔要仲話唔使錢點解唔要，但有人想飲的酸梅湯就遲遲唔到。到有第一輪食物上場已7:30，得好少，我地叫左四碟肥牛得一碟到，問佢，佢話一碟得四塊，放埋一齊上，我地見到個一碟其實係四碟，咁實唔夠食，咁咪再叫多一輪，呢次寫勁d，每樣叫多d。由於食物少唔到八點就無哂，再叫的又未到，同經理講佢再唔來食物，我地就夠鐘食唔切，佢又話得得得，但等多十分鐘都無料到，結果第二輪食物8:20至到，我地成班餓鬼咁將所有食物一齊過落哂，到滾起都8:30，結果要食得好急，佢食物普通，所謂首創點心火鍋，點心真係唔得，將水晶叉燒包奶皇包放入去浸真係吾好食，叉燒包好唔新鮮，甜奶皇包放入去
$88任飲任食6:30-8:45，過時加收每位$68。我地成班人咪早收工6:30去到，先知湯底要$130(仲要好一般，點都唔值$130)，醬油每位$10，但得碗豉油，要其他醬每碟再加$10，仲要加一。
咁多人咪要2個湯底，到寫紙點齊食物都七點，但佢好快上左湯底就無食物到，連飲品都欠奉，叫左三次待應都回應「得」但就無行動，到有飲品來，完全唔係我地order個d，我地無人飲汽水就推左4罐俾我地，我地唔要仲話唔使錢點解唔要，但有人想飲的酸梅湯就遲遲唔到。
到有第一輪食物上場已7:30，得好少，我地叫左四碟肥牛得一碟到，問佢，佢話一碟得四塊，放埋一齊上，我地見到個一碟其實係四碟，咁實唔夠食，咁咪再叫多一輪，呢次寫勁d，每樣叫多d。由於食物少唔到八點就無哂，再叫的又未到，同經理講佢再唔來食物，我地就夠鐘食唔切，佢又話得得得，但等多十分鐘都無料到，結果第二輪食物8:20至到，我地成班餓鬼咁將所有食物一齊過落哂，到滾起都8:30，結果要食得好急，佢食物普通，所謂首創點心火鍋，點心真係唔得，將水晶叉燒包奶皇包放入去浸真係吾好食，叉燒包好唔新鮮，甜奶皇包放入去咸湯好怪。
埋單$125/位。
做人要有骨氣，所以唔會再去有骨氣。
Post