Video
Read full review
2022-11-05
65 views
聽講新開的川菜餐廳有「美蛙魚頭」食，好耐冇返過大陸食好西嘅我即刻就book位黎食環境裝修係太空主題，係幾新穎有趣，雖然諗唔明同川菜嘅關係，不過目的係黎食野，環境好當然好。可惜，呢間餐廳嘅味道並不如理想水準，性價比亦不大高，讓我有些許失望前菜：涼拌蓮藕$48一份嘅涼拌蓮藕，份量如下，川菜涼拌料理如此出色，但呢份完全冇水準。似鹽水煮藕片，後另撈左兩下蒜蓉辣椒涼拌汁，一d都唔入味。食落去藕片還藕片，汁還汁，要點汁同就埋蒜蓉食，涼拌菜賣呢個價錢，應該攞出相應水準，街邊四川小食舖嘅藕片平但好食，只能說是迎合了港人的清淡口味。小食：湘味串串🍢$148嘅湘味串串有兩兜，一兜應該係藤椒味，另一兜可能係麻辣味。入面有蝦、魷魚、鵪鶉蛋、小鮑魚等。藤椒味道還可以，就稍顯藤椒味唔夠出，不過可能係考慮搭配其他菜食，就唔會過鹹。麻辣味不可🙅就係豆瓣醬嘅味，雖說湘菜多用豆瓣醬，但食落總覺得係飲豆瓣醬。🥲主菜：🌶️湖南辣椒炒豬三寶（大腸、腩肉、豬肚）亦算是店內招牌，本人頗鍾意食辣椒炒肉，對此期望幾大，但仍差d水平🥲上菜時辣椒炒肉和圖片嘅鍋係分開嘅，會當住你嘅面開爐、倒菜入鍋並翻炒，翻炒兩下就會離火，之後食得。花臣多，但
可惜，呢間餐廳嘅味道並不如理想水準，性價比亦不大高，讓我有些許失望
前菜：涼拌蓮藕
$48一份嘅涼拌蓮藕，份量如下，川菜涼拌料理如此出色，但呢份完全冇水準。似鹽水煮藕片，後另撈左兩下蒜蓉辣椒涼拌汁，一d都唔入味。
食落去藕片還藕片，汁還汁，要點汁同就埋蒜蓉食，涼拌菜賣呢個價錢，應該攞出相應水準，街邊四川小食舖嘅藕片平但好食，只能說是迎合了港人的清淡口味。
涼拌藕片
$48
1 views
0 likes
0 comments
小食：湘味串串🍢
$148嘅湘味串串有兩兜，一兜應該係藤椒味，另一兜可能係麻辣味。入面有蝦、魷魚、鵪鶉蛋、小鮑魚等。
藤椒味道還可以，就稍顯藤椒味唔夠出，不過可能係考慮搭配其他菜食，就唔會過鹹。麻辣味不可🙅就係豆瓣醬嘅味，雖說湘菜多用豆瓣醬，但食落總覺得係飲豆瓣醬。🥲
湘味串串
$148
2 views
0 likes
0 comments
主菜：🌶️湖南辣椒炒豬三寶（大腸、腩肉、豬肚）
亦算是店內招牌，本人頗鍾意食辣椒炒肉，對此期望幾大，但仍差d水平🥲上菜時辣椒炒肉和圖片嘅鍋係分開嘅，會當住你嘅面開爐、倒菜入鍋並翻炒，翻炒兩下就會離火，之後食得。花臣多，但係只能算噱頭。
辣椒係幾好食，不過呢份菜缺少辣椒嘅嗆香味，可能因為翻炒不多、或本人口味重，辣椒其實缺d味道。我更希望佢係廚房入面爆下呢個辣椒炒肉，直接上菜，使豬三寶滲透曬湖南辣椒味，咁樣入口先會香、辣、爽，顯然呢份都係調整過嘅口味。
湖南辣椒炒豬三寶
$188
1 views
0 likes
0 comments
主菜：招牌花椒魚頭美蛙鍋
冇咩出色嘅花椒魚頭美蛙鍋，甚至很一般
呢個鍋會有一個大魚頭+三隻牛蛙，配菜有芽菜、萵筍同寬粉。
可以讚嘅係，牛蛙嫩滑同埋幾大隻，易入味，食落感覺不錯👍可以話發揮左正常水準；
魚頭有d災難，第一，要久煮先入味，如想嘗試請開大火收d汁入去；第二，魚頭預先處理唔係幾好，仍有土腥味，魚肉味最甚，又難入味，一煲香料都調整唔到呢個味，可能廚師急住上菜（實際上呢個菜最遲上🥲）；第三，湯底調味普通，就係街邊可買到嘅麻辣火鍋、水煮料包嘅味道、有色缺香少味，食完牛蛙同少少魚肉，就已經冇咩想繼續食落去嘅慾望🥲
花椒魚頭美蛙鍋
$268
2 views
0 likes
0 comments
甜品：紅糖糍粑、玫瑰冰粉
甜品唔係呢間餐廳嘅主打，只可以話不過不失，除非特別想食，否則可以唔使嗌😂
紅糖糍粑新鮮熱辣，味道還可以，外殼都算脆，但內裡缺少糍粑嘅糯、香同韌，一咬即斷、更似糕點，見人見智、個人唔推薦；
玫瑰冰粉….過於稀碎同多水，第一次食到咁稀嘅冰粉，就係紅糖水撈涼粉，加幾粒提子乾，味道一般，性價比更一般，唔推薦❌
紅糖糍粑
$48
2 views
0 likes
0 comments
玫瑰冰粉
$38
4 views
0 likes
0 comments
總括而言，呢間餐廳係改良版川菜餐廳，可能為迎合港人較清淡嘅口味，但失了川菜嘅魅力，令人失望。優點都有，主菜份量都多，服務質素幾好，會經常幫你換骨碟，至於味道方面，個人就唔會再翻炒呢間餐廳。
我係兩個人去食，叫左好多黎試，消費近$900（收茶芥同加一），性價比一般，因為同樣份量（注意，係同樣多嘅菜餚）且好味地道嘅川菜湘菜餐廳（油尖旺頗多），可能只需一半花費。不過係寸土寸金嘅旺角中心地帶，算係咁啦。
Post
