Video
Read full review
2008-09-07
10 views
小弟食評絕不偏私, 好的讚, 差的稍為提點~大榮華酒樓因梁文滔先生做節目後, 便多了很多人認識, 但由於小弟本身住得遠, 所以一直無緣去試. 今次借中秋食餐飯為名, 連親戚共十五人去試呢間酒樓~酒樓第一樣要睇的是洗手間, 同一般的不同, 出奇地乾淨, 這已經加了分! 餐單應該係每月轉一次, 共有一百樣可選, 一律$52, 我們最尾選了二十幾個小菜, 搞到放到成張枱都係. 基本上全部小菜都物有所值, 唔會特登偷工減料用次貨~ 特別推介是咸蛋黃炒蒜香骨, 加左咸蛋黃真係唔同哂, 而且唔"溜"的! 另外頭抽撈飯我從未試過, 可惜吃完後才知道另外一樽是豬油, 我漏了加入去, 可惜... 蒸烏頭及煲仔咖喱牛腩亦是一絕~ 魚夠味, 唔乾; 牛腩夠腍, 咖喱唔辣, 配合得好! 馬拉糕好鬆, 做甜品一流!食物一流, 但可惜其他地方有些問題... 首先, 若果在門口接待處附近食晚飯的, 冷氣可以話係完全係冇, 周圍企著坐著不少等緊位的顧客, 這樣就有尷尬! 第二樣是員工, 態度雖未至於最差,但一定談唔上好, 有時見佢地滾水碌腳咁收碟送菜等都幾牙煙! 第三樣係太迫, 枱與枱之間位置不多, 坐得唔舒服. 食
大榮華酒樓因梁文滔先生做節目後, 便多了很多人認識, 但由於小弟本身住得遠, 所以一直無緣去試. 今次借中秋食餐飯為名, 連親戚共十五人去試呢間酒樓~
酒樓第一樣要睇的是洗手間, 同一般的不同, 出奇地乾淨, 這已經加了分!
餐單應該係每月轉一次, 共有一百樣可選, 一律$52, 我們最尾選了二十幾個小菜, 搞到放到成張枱都係. 基本上全部小菜都物有所值, 唔會特登偷工減料用次貨~ 特別推介是咸蛋黃炒蒜香骨, 加左咸蛋黃真係唔同哂, 而且唔"溜"的! 另外頭抽撈飯我從未試過, 可惜吃完後才知道另外一樽是豬油, 我漏了加入去, 可惜... 蒸烏頭及煲仔咖喱牛腩亦是一絕~ 魚夠味, 唔乾; 牛腩夠腍, 咖喱唔辣, 配合得好! 馬拉糕好鬆, 做甜品一流!
食物一流, 但可惜其他地方有些問題... 首先, 若果在門口接待處附近食晚飯的, 冷氣可以話係完全係冇, 周圍企著坐著不少等緊位的顧客, 這樣就有尷尬! 第二樣是員工, 態度雖未至於最差,但一定談唔上好, 有時見佢地滾水碌腳咁收碟送菜等都幾牙煙! 第三樣係太迫, 枱與枱之間位置不多, 坐得唔舒服.
食物一流, 開飯之選(5分); 但係計埋其他客觀因素(全靠洗手間拉分), 一試無妨. 另外我建議最好六至十人, 又夾到拎飛時間至試, 否則等到掌門人做完都未有位! 人少的話, 試到冇幾款, 倒不如幫襯其他店鋪.
最後還是期望梁文滔先生在其他地區開分店吧, 不要把這些美味埋沒!
Post