239
113
49
6-min walk from Exit E, Long Ping MTR Station continue reading
Telephone
2476 9888
Introduction
The noodles, roast goose, Malay cake and fried rice are Tai Wing Wah's signiture dishes. This 1950 establishment is filled with full flavoured Hakka specialties. As for dessert, the red bean soup is not to be left out. Tai Wing Wah is certainly New Territories's gem. continue reading
Awards and Titles
Best Restaurant in Yuen Long (2011-2013)
Good For
Group Dining
Opening Hours
Today
06:45-23:30
Mon-Sun
06:45-23:30
Payment Method
Visa Master Cash
Number of Seats
360
Other Info
Alcoholic Drinks
May Bring Your Own Wine
VIP Room
Parking
10% Service Charge
Sea View
Live Music
Review (427)
Level4 2016-11-28
3947 views
週五再因公事入咗元朗,朝早去完第一個倉後,因要等待第二個倉準備好先入得去,所以就搵咗元朗通T哥帶路去區內一家老字號「大榮華酒樓」度飲茶。門外貼紙式餐牌所示,閒日早茶、下午茶時間,所有點心一律$19。行上多級樓梯後終於抵達酒樓o既大堂,雖然早茶時段已過,但擠得密麻麻o既散座仍坐滿食客,真係好旺。等位o既時間細佬就走咗去周圍八吓;喺牆上先見到車胎人連續七年推介o既銀碟奬賞。暗角位則掛出香港名食家韜哥o既相片及卡通畫像,細問下先知原來佢就係酒樓o既大老闆,失覺哂!午市茶錢每位$8、小點$19、中點$23、大點$27、特點$31、頂點$37,另收加一服務費。除咗有點心飯麵之外,餐店前方仲設有個大排檔區,食客可以直接點選燒味、餃子、油菜等食品。咖哩魚蛋豬皮:豬皮過腍,魚蛋尚算彈牙,兩者均唔夠入味,不吃也吧!陳皮牛肉飯($35):盅頭飯面o既菜心偏老難咬,陳皮牛肉同白飯底雖然都幾乾吓,幸好點上甜豉油食都補救得到,總算勉強合格。芝士蝦春卷($27):金黃色o既春卷層炸皮又薄又脆,芝士蝦餡爽脆美味,係咁多味點心中最正o既一款。切肉燒賣皇($27):燒賣大隻就夠大隻,不過其外觀好似被漂白過咁,個人覺得不甚討好,食落亦略欠調味。雞絲滑粉卷($27):粉卷皮層又嚡又乾,雞絲餡心同燒賣一樣欠缺味道。榮華腊腸卷($31):腊腸卷一客兩條,每條一開二都只可以分俾四個人食,一向唔多食腊腸o既小肥當然係敬老地自己舉手唔食啦!聽見各人都大讚腊腸卷鬆軟香濃,估計應該都唔會差得去邊。蒜茸蒸鮮魷($27):熱辣辣o既鮮魷白滑爽脆,蒜香惹味濃郁,唔錯。白灼芥蘭($23):芥蘭粗壯翠綠,脆口帶甜。蠔油薑蔥辦麵($50):辦麵濕潤帶爽,簡單以蠔油薑蔥煮製已夠香口,不過$50一碟就好似貴咗少少!水餃湯米線($27):水餃皮薄餡爽脆,無奈米線唔係細佬杯茶。奶皇馬拉糕($23):微甜o既馬拉糕好鬆,但因中間夾入咗奶皇,食落似係蛋糕多啲;XO仔始終鍾情傳統o既馬拉糕多啲。韜哥開設o既元朗老字號「大榮華酒樓」格局同一般酒樓無異,服務不過不失,午飯時間又嘈又迫,食物質素較為參差,基於價格唔算便宜,又冇套餐或特價點心可選,如果細佬要再入元朗飲茶,相信會情願另覓食肆。 continue reading
(The above review is the personal opinion of an user which does not represent OpenRice's point of view.)
家庭飯聚 Featured Review
Level4 2016-11-22
2518 views
大榮華酒樓是我家人聚餐,公公婆婆飲茶的地方。今晚一家人又聚首一堂,一齊食下嘢。乳豬拼盤:燒腩仔好得,皮脆肉嫩又juicy;叉燒雖有肉味但比較瘦,味道正常;燒骨反而唔錯,肥瘦相間,咬落有汁。翡翠花枝桂花蚌:西蘭花爽脆,魷魚同桂花蚌肉質爽口鮮味,炒到剛剛熟。脆金果鳳味蝦:即 炸南瓜同蝦多士: 這南瓜普普通通,蝦多士的蝦肉彈牙但蝦味欠奉,食落好油。鮑汁雞柳珍寶茹: 雞柳非常嫩滑,有鮑汁鮮味;雞肶茹炒到軟稔入味,唔錯。紅燒竹笙雞𢇁翅: 好稀,無乜鮮味,無乜翅又無乜配料,當湯飲還可以。蒸海班:條魚好大條,抵食!魚肉蒸得好滑,香蔥鼓油味道剛剛好。脆皮燒鳮:燒鳮的皮好脆好薄,雞肉十分嫩滑有雞味,不錯!炒飯粒粒分明但口感偏硬,味道中規中舉。伊麵:一如傳統,比較油,食落有甜豉油味。紅豆沙:紅豆是軟稔但未見起沙,陳皮也是欠奉。奶黃馬拉糕:旦味好香,質地輕盈軟熟,奶黃少少的點綴,幾好食;但個人還是喜歡以前古法黃糖馬拉糕又有風味。整體食味ok, 餸的份量唔少,尤以燒鳮,小炒同馬拉糕比較出色。偶意一聚,一嚐何妨。 continue reading
(The above review is the personal opinion of an user which does not represent OpenRice's point of view.)
懷舊酒樓的大件點心 Featured Review
Level4 2016-08-08
2936 views
這天到元朗本想到某新開麵店吃late lunch的,不過去到居然沒有營業,實在晴天霹靂!!! 一時間想不到吃甚麼,就沿着大馬路行走,想起很久沒到過大榮華吃點心,雖然記憶中點心水準不算突出,不過已經身水身汗,就不作它想了. 到達時已經14:30,完全不用等位,不過全場都需要搭枱的! 但幸運在到離開時也沒人與我們同坐,可能是坐位就在通道旁,不是一個好位置!閒日下午二時後,大、中、小點劃一售$19,以出名的老牌酒家來說,定價合理. 不過如果你慣常去裝修華麗且乾淨的酒家,這裡就不太舒適! 點餐期間,見到牆上有曱甴(靠牆的餐桌),是大強而非小強,幸好我不是坐在附近,否則應該會大叫!!! 部長則敏捷地把大強消滅了,遺憾沒有拍下一張相片!!錦繡煎蝦餅 (大點)沒期望之下,這蝦餅居然是熱辣辣的,香脆亦不油膩,愛吃香口炸物的我很滿意.鮮竹牛肉球 (大點)牛肉球size大得驚人,而且相當有咬口亦有果皮香,不是軟稔稔溝粉的那種,值得一食!切肉燒賣王 (大點)燒賣juicy很多肉汁,再加上甘香的肥肉,雖然明知不健康,但實在好好味!四寶滑雞札 (大點)雞肉嫩滑,再加上粉糯的芋頭,雖然較油膩,但也照單全收. 百花釀魚肚 (大點)魚肚份量都幾多,吸滿汁都幾好味,至於蝦膠則相當彈牙,可以一食. 這次來到大榮華,與3年多前比較,點心水準依然不俗,不知下次再來會否又是3年後了元朗安寧路2-6號2樓2476 9888 continue reading
(The above review is the personal opinion of an user which does not represent OpenRice's point of view.)
Level2 2017-05-02
184 views
間中都有特登駕車去元朗幫襯吓大榮華,原因是喜歡它之前有的特別圍村風味。之前幾次都覺得差了但尚算不過不失,昨天又襯假期去一次飲茶,吃吃點心做午餐。一點後來到要等了大概十五分鐘,心想這次要等位應該不差了。點心紙都有幾多款式,但有部分已賣清沒有供應。我們點了九個點心。馬拉糕中上之作。鹹點一般偏鹹和味精下得太重。芝麻糊是超級失敗,死甜及沒有芝麻味。我的感覺是它們食品質素已經慢慢變差,保持不到水準。加上有食評推介,唯一保持到的只是它們的價錢! continue reading
(The above review is the personal opinion of an user which does not represent OpenRice's point of view.)
Level4 2017-04-12
557 views
第一次食大榮華,可能聽得大榮華好食太耐太多,期望過多,有啲失望。梅子蒸烏頭 - 梅子醬唔知係咪自制,感覺同平時啲唔同,顏色紅啲,甜啲,反而少咗酸味,無平時嘅梅子醬好食,烏頭又無黃油,唔夠靚,但大條。芥菜排骨煲 - 芥菜同排骨都唔靚,芥菜少少老,排骨唔滑,排骨我食咗一粒就無食。花膠鵝掌煲 - 呢個價錢有花膠食係唔錯,雖然唔係好靚,但都好黏口。鵝掌未夠淋,冬菇入味。整體ok。豬油撈飯 - 係幾香。一盅飯,再俾一支豉油一支豬油你自己撈,感覺新鮮。三餸、一白飯、兩支大啤,埋單三百幾,大大份,價錢算ok,味道就差少少。可能下次試下其他餸,睇下會唔會其他好食啲。 continue reading
(The above review is the personal opinion of an user which does not represent OpenRice's point of view.)