泰海鮮 (Closed)

朋友約話去西貢食海鮮，作為新界人梗系反對啦，我話食海鮮要黎三聖先真，新鮮得黎又平啲，於是就改左地點黎三聖嘅泰海鮮先到店外的海鮮壋買料，再到店內加工，咁樣食最抵！朋友話少湯水，於是點左店內有名的海鮮湯，犀利呀勁多海鮮再加上蕃茄薯仔湯底，睇見呢盤湯渣就知有幾掂啦。湯清不油膩，強烈嘅海鮮味呀～超鮮甜，就係要用大量豐富嘅材料先至熬到咁濃又鮮甜嘅湯水。再黎叫左鹽焗東風螺，買了斤半，再加加工費。滿滿一盤超吸引螺肉爽口彈牙，肉質鮮味，因為鹽焗，佢鮮甜中帶少少咸味，點埋海鮮醬真係超正。仲有好特別嘅香茅瀨尿蝦，一般海鮮舖都只有椒鹽，香茅口味要食泰國菜先諗到呢，要了四隻瀨尿蝦，勁大size。上枱時已切好，更易食，香茅一樣勁香口，唔比椒鹽差喎，仲帶超勁香茅香同少少辣，十分惹味，揀左試新口味果然無錯最後還有砵酒蠔，上黎時香噴噴，真係流哂口水呀。煮熟後都有如此大size，成個碗嘅直徑咁長呀！蠔煎得香脆，勁肥美，個汁好正，除左砵酒，仲有乾蔥，洋蔥，薑，蒜頭等調味，味道勁濃烈，咸甜適中帶酒香，醬汁完全包住成隻蠔，咬落隻蠔爆汁，好好味啊大滿足嘅一餐！