小曼谷泰國美食 (教育路) (Closed)

小曼谷泰國菜細細個我就聽過佢個名 之前一直都要出九龍先有得食 竟然佢喺元朗都開咗分店 今日就一於嚟食下啦約咗幾個知心好友一齊去 閒日都勁多人非常好生意香港人太耐冇得去旅行啦 唯有食住泰國菜頂住當先啦泰式豬頸肉沙律 好大碟上面嘅沙律菜 十分新鮮又夠爽脆 配埋泰式沙律汁非常開胃 泰式豬頸肉醃得好夠入味 厚切豬頸肉口感更加豐富黃咖哩牛腩 原窩咖哩牛腩用火嚟熱著 慢慢食都唔驚凍曬 好夠細心 咖哩汁超惹味而且仲唔辣 大人細路都啱食 牛腩同茄子等等嘅配料都好多 食咖哩點少得泰式薄餅 牛油味好香濃而且煎得非常酥脆 點咖哩一流芒果絲伴筍殼魚 筍殼魚將佢炸咗外皮香脆 入面嘅魚肉仲係非常嫩滑而且魚味濃郁 配上泰式芒果絲 酸酸辣辣好有口感餐廳重每人送一件椰汁糕 非常貼心 椰汁味濃郁 下面仲有西米 粟米 馬蹄粉嘅材料 都好足料