御鐵

Open Now

Now Closed

今日約咗老友慶祝生日，我哋去食鐵板燒！御鐵廚師枱旁邊有水缸，鮑魚、龍蝦等等嘅食材都係從水缸捉上水，食材非常新鮮。沙律之後就係煎香左嘅鰤魚，配柚子汁，清新開胃。跟住有粒貝配蒜蓉牛油炒香，一上枱已經聞到海鮮嘅鮮味配牛油嘅香味，粒貝爽口彈牙，好食！手掌咁大嘅鮑魚好厚肉，味道鮮甜，肉質軟嫩，配上師傅自家製海苔醬汁同埋魚子，口感味道都好好。龍蝦真係必食推介，龍蝦肉質結實，用龍蝦糕膏製作成醬汁，味道濃郁。之後係食肉獸最期待嘅A5熊本和牛，師傅即席煙燻咗啲和牛，視覺效果一流，味道亦非常好，簡單配少少鹽已經好味。食完咁多嘢，飲番個清酒蜆湯好消滯～最後仲有炒飯、雪糕同餐飲，真係飽到上心口。希望壽星女滿意啦！呢度座位唔算太多，記得訂位。