環境方面：一入到去要讚一讚既係個環境非常闊落，個侍應好禮貌咁帶左我地一行四個人去張六人檯，但我諗八個人都勉強坐得落，而且地方算清潔光猛。呢間餐廳既環境真係唔錯，仲有我鍾意既動漫歌。
食物方面：我地一黎就梗係點晒d刺身、炸物。食物送黎既速度都算係咁，叫完等幾分鐘就開始食。三文魚同鮭魚刺身幾鮮幾好食，水準同酒店既差唔多。但係生蝦就一般般，冇咁新鮮。但個刺物併盤係放得幾好睇，顏色都唔錯，可以拎黎打卡。Sushi都好有水準，魚生講左幾新鮮，個飯大小適中握得幾實，雖然我本人鍾意落多d醋落d飯到。炸雞翼、炸蕃薯都出色，炸得香口，唔lup又唔會成口油。烏冬同紫薯串呢兩樣幾夾，一口烏冬一口紫薯係，超滿足。 最後要講個豆腐鮮蝦湯，好正！！！一定要嗌，食完d油膩野，鮮甜清一清。
飲品及甜品：最正呢間野有apple cider！成晚冇飲過其他野，淨係試晒佢d
cider都唔錯。我最鍾意梗係golden apple，果香酒味最濃，其他太甜，唔適合成熟穩重既我。甜品方面有haagen dazs，唔使我多講啦呢個。
總括黎講，簡簡單單正常價錢食個放題，食到中上水準既食物，同班fd去食係唔錯既。
