麺屋武蔵 (Closed)

好耐麵無去過將軍澳果頭，原來唔經唔覺已經變左咁多，度度都有好多餐廳，心大心細唔知食咩好，見到有間拉麵店都幾多人入去食，我呢啲吃貨之人都心絲絲想入去食下睇下好唔好味先～ 岩哂我另一位朋友啦，佢咁鍾意食拉麵黎到呢到當然要試試佢呢度嘅主打-拉麵，我就叫左黑蒜油豚肉片拉麵 ，因為我係一個見到蒜就心心眼嘅人，有黑蒜口味我又點可以錯過喎，我地呢兩個好奇的大朋友之後就叫左幾款新推出嘅前菜同小食再share一齊食，咁樣就非常豐富十人十式沙律（新推出），同我地平時食嘅沙律好唔一樣，入面除左有沙律必有嘅粟米同青瓜之外，仲有多款營養蔬果：蕃茄、紫椰菜、甜椒等等，仲有啲豆類同雞肉，用料豐富而且營養價值高，上面仲加上芝士作點綴添，食落去會更加香口。黑蒜油豚肉片拉麵裡面有半熟多、蔥絲同紫菜，配料都幾豐富湯底中有好香濃嘅黑蒜味麵質彈牙爽口，掛湯能力都幾好。半熟蛋好香滑，整到恰到好處，為呢碗拉麵加好多分。玉子鰻魚磯邊揚用紫菜包住玉子同鰻魚製成天婦羅，炸漿薄薄地，亦可keep到香脆，食之前點上天婦羅汁呢個特別嘅配搭原來都幾好味，玉子同鰻魚比例一半一半，非常豐富。朋友點左天極醬油魚干拉麵，可以加配優惠加$12有武蔵章魚燒