Video
Read full review
2017-03-04
261 views
第一次使用Openrice訂位服務，真係好方便，又簡單，仲會提醒我已預約。Lee間店今期仲有個優惠，請咗我哋食"避風塘雞翼"，雖然係贈送的，但一D都唔hea喎，熱(喇喇)皮脆好惹味，我哋都鐘意食。首先值得一讚嘅係Lee間店嘅店員服務都幾好，佢哋會提議當日新鮮嘅餸菜比我哋揀，但沒有催迫或令人有煩厭感覺，就算我哋唔係每款介紹都有興趣食，但佢哋嘅態度都好，我喜歡這樣。由於要等齊friend先開餐，所以先嚟支"天地一號蘋果醋"，再嚟個餐前小食"紅油豬耳"，豬耳皮口感有D韌，但辣味就好夠，如果豬耳皮"淋"D會正D。齊人就叫咗我哋今晚特登嚟食嘅"麻辣雞煲"，個汁真係"得"，好濃好夠味 "正"，D雞如果再入味D就更好，可能係我哋只叫小辣，令麻辣味唔夠出吧！無計，其中一個friend怕辣，嘻... 但我哋其他人又想食，只好互相遷就一下啦！叫咗成隻雞，比我哋四個女仔清晒，一件不留，連洋蔥都無剩。食完雞煲，再嚟打邊爐，由於食量有限，只係揀咗四樣嘢 (紅薯粉、魚皮餃、脆肉鯇、雞腎)，紅薯粉同雞煲個汁，味道係好夾嘅；魚皮餃好食程度就一般啦；脆肉鯇新鮮好味；至於雞腎，店員話我哋知，下次要早D叫，我哋加咗水先煮，
Lee間店今期仲有個優惠，請咗我哋食"避風塘雞翼"，雖然係贈送的，但一D都唔hea喎，熱(喇喇)皮脆好惹味，我哋都鐘意食。
首先值得一讚嘅係Lee間店嘅店員服務都幾好，佢哋會提議當日新鮮嘅餸菜比我哋揀，但沒有催迫或令人有煩厭感覺，就算我哋唔係每款介紹都有興趣食，但佢哋嘅態度都好，我喜歡這樣。由於要等齊friend先開餐，所以先嚟支"天地一號蘋果醋"，再嚟個餐前小食"紅油豬耳"，豬耳皮口感有D韌，但辣味就好夠，如果豬耳皮"淋"D會正D。
齊人就叫咗我哋今晚特登嚟食嘅"麻辣雞煲"，個汁真係"得"，好濃好夠味 "正"，D雞如果再入味D就更好，可能係我哋只叫小辣，令麻辣味唔夠出吧！無計，其中一個friend怕辣，嘻... 但我哋其他人又想食，只好互相遷就一下啦！叫咗成隻雞，比我哋四個女仔清晒，一件不留，連洋蔥都無剩。
食完雞煲，再嚟打邊爐，由於食量有限，只係揀咗四樣嘢 (紅薯粉、魚皮餃、脆肉鯇、雞腎)，紅薯粉同雞煲個汁，味道係好夾嘅；魚皮餃好食程度就一般啦；脆肉鯇新鮮好味；至於雞腎，店員話我哋知，下次要早D叫，我哋加咗水先煮，無咁好味，佢話廚師可以連雞一齊係雞煲煮，入味好多，好食好多，第時大家都要注意下啦！
之前提到店員有新鮮嘅餸菜介紹，我哋就試咗個"美極炒秋葵"，真係好好味，平時唔食美極嘅我，都唔停得手，真係食咗好多，估唔到咁簡單炒出嚟嘅餸都咁好味。哈... 唔係擦鞋，只係啱我口味啫~
Post
