極尚大喜屋 (銅鑼灣廣場一期)

Open Now

Now Closed

今日同朋友去到銅鑼灣行街，朋友想食日本嘢，我同朋友都比較大食，食放題就最化算，可以任叫嘢食，午餐嘅時間又唔係好多人，唔使排隊，但係都最好預先book定位，比較穩陣。餐廳主打刺身，可以任叫刺身真係好抵，有三文魚刺身、赤蝦、油甘魚、吞拿魚、希靈魚等等，上菜嘅速度都好快，唔駛等好耐，刺身嘅厚度適中，食落有口感，油脂感豐富，刺身都算新鮮，非常抵食。除咗刺身之外仲有手卷、軍艦同埋卷物，鍾意食唔同類型嘅壽司，都可以嗌下呢啲嘅食物。其中比較好食嘅有牛油果軟殼蟹卷，層次感比較豐富，幾好食。鍾意食熱食嘅朋友可以食炸物、天婦羅、串燒同埋烏冬等等，呢啲都可以作為主食，又飽肚，如果食刺身食得唔夠飽可以叫下呢啲食物。我個人覺得個烏冬幾好食，又有咬口有彈牙，份量都幾大份，值得推介。