坤記粥店 (Closed)

因為我而家成日都好放先放工，返到天水圍通常都得返好少食市未閂門，今次去到呢間粥店食野。 呢間粥店已經開左好耐，我細細個既時候已經見佢係度。 但以前就好少入去食，而家就多d。我叫左個皮蛋瘦肉粥同埋蝦米腸。個皮蛋瘦肉粥個味道我覺得啱啱好，唔會太淡又唔會太咸。 而個粥食落又唔會太稀。佢都有幾多皮蛋同瘦肉，我覺得呢個粥唔錯既。個蝦米腸我就覺得佢都幾厚下，唔係好薄，好似食緊粉咁既。但係我本身個人好中意食粉類製品既，所以我覺得都還可以。 蝦米唔多。我之前食過個炒麵好好食架，因為我太晏去所以賣晒。佢個味道好香又唔會有好多豉油，又好平幾蚊架咋！下次去會食返炒麵。