Video
Payment Methods
Above information is for reference only. Please check details with the restaurant.
皮蛋瘦肉粥 。 最近天氣凍了不少以致很容易生病，想預防生病和喉嚨痛當然要食得清淡一點，那不如出街試一試煲皮蛋瘦肉粥吧！綿綿滑靚粥米粒開花，由於皮蛋富有礦物質，能清涼降壓、益氣養陰，有下火之效，食完之後熱氣既感覺全清腸粉在街吃一碟腸粉，既是情懷，還吃得出陣陣香港味，最正還是香噴噴的混醬。我最喜歡腸粉混醬，勁多既甜醬加上花生醬，大家都知道腸粉的豉油和芝麻醬都是特製，在家但未必懂做，而其中豉油的關鍵，是店家獨家炮製，識食既人自己會欣賞
continue reading
平時好少去坤記粥店，因為覺得食粥炒麵唔夠飽，今日唔係咁肚餓，lunch一於就食佢。豉油皇炒麵麵口感彈牙，乾身，唔油，味道啱啱好，唔錯。炸兩油炸鬼唔脆，可能整好放咗一段時間，凍咗，味道麻麻，都係炒麵好啲。
continue reading
每一天上學總是急急忙忙的，早餐卻不能不吃只可以到途經的粥店買一份輕便而又飽肚的早餐，便選擇了黐飯配上白糖糕，美妙的粢飯放進口中感到彈牙可口餡料有肉鬆和油炸鬼，白糖糕大大件有質感又沒有酸味，食落啖啖白糖，好特別真是令人意想不到呀～！！
continue reading
病病地想食清啲，粥鋪都是新北江好選擇。但天氣太熱冇食粥 😂 炸兩好油，又唔熱，都明既夜晚既炸兩一定唔新鮮，但佢啲油炸鬼林晒都真係幾難食。。。炒麵係濕炒，味道ok，正正常常，又係唔熱 😂豆漿好甜。。。
continue reading
我諗好多天水圍人都幫趁過坤記粥店，因為佢好有特色，可惜佢嘅特色唔係啲粥特別好食，而係店員態度差到難以置信。奈何附近粥店唔多，所以即使幫趁幾次都係咁差，都冇辦法。先旨聲明，態度嗰度比一星係冇辦法之下先比，現實情況應該係負十星。最近幫趁嗰次係咁多次之中最差嘅。話說有晚家人口痕想食炸兩，我就去坤記買外賣。一去到同個收銀阿姐話要碗菜乾粥同一份炸兩，阿姐已經有不滿情緒，大喝一聲36吖。絕對冇誇張到，佢嗰種大喝並唔係傳統老店嗰種大聲得嚟唔係冇禮貌嘅大喝，而係極不滿嗰種。找錢嗰陣仲要大大力張啲散銀拍落個鐵盤仔度。不過講真，嚟到呢個moment我都冇話特別不滿，可能都預咗佢地係咁掛。之後，我份炸兩整好咗，我趁包外賣阿姐未放落膠袋，即刻話想落啲醬先（咁係因為之前有次我唔記得落醬，而且佢亦冇比豉油呀盛，變咗好難食。）根住佢居然成盒嘢半掉半「劈」咁「劈」比我，仲要藐嘴藐舌同即刻‘唧’一聲。雖然啲嘢食冇跌到周圍係，但我當堂都反應唔切。嘩！阿姐，我真係想問佢而家係咪落醬得罪你先？再講，我又唔係話等你包好咗先嚟落醬，照計都冇額外麻煩到佢姐。問心，我絕對唔係超級有禮貌嗰種，但基本嘢唔該都有講足。佢居然可以咁樣對啲客人。講真，呢啲係基本尊重嘅問題，佢啲嘢再好食極都唔可以咁樣囉，更何況啲食物只係一般般，水準仲要勁飄忽。總之一句講唒，不知所謂，一定冇下次。
continue reading