牛禪燒肉日本料理 (Closed)

話說友人出bonus後好想請我食lunch，而友人自行決定食呢間，未到門口前，我仲推緊唔食，因為較貴。入到餐廳就有D擔心，星期六，下午1:45，銅鑼灣喎，全店都係得3枱。午餐餐牌，首先見到一個套餐有燒肉、飯、湯、蛋、沙律，$125。再睇另一個餐牌，精選和牛︰一人前A $238、一人前B $380。只有肉，什麼都沒有。商量後，就叫左一人前AB。真係唔係講笑。最值得一提係牛舌，經過燒烤，一咬即斷，爽脆的感覺。一片片的牛，有3款，不過我分唔到咩肉係咩肉，只係知道燒一燒兩邊，見到網紋，然後放入口中，回味無窮。一粒粒的牛，有2款，呢2隻就差DD，不過都好好味，有好濃郁的牛肉味，但係要小小時間去咀嚼。食完有D唔夠喉的關係，我地叫埋一開始見到的套餐。大家都有牛舌，不過即刻差好遠，係平時燒烤0個種一薄片好快熟的牛舌。食埋D蛋、飯、湯、沙律，咁就完結了今天的午餐。