築間幸福鍋物

係台灣既過江龍，人氣火鍋店築間幸福鍋物終於黎到香港啦，作為台灣火鍋fans 既我，當然吾會錯過機會黎食啦🤭一入到店內，店員殷勤既服務態度，未食已經有個好良好既印象。店內既座位都好寬敞，絕對吾會有好逼既情況.未食之前，已經有大約搜尋左一下，有好多人推薦鮮菇奶香湯，另外見到招牌石窩湯都係好想試。其實餐牌上好多種湯底同食物都係好有興趣，款款都十分吸引。店員好快將飲品送上，我叫左冬瓜檸檬，打邊爐飲呢個可以解膩。好快就上湯底，鮮菇奶香湯果然充滿陣陣奶香味，而招牌石窩湯比較之下會清淡一點，兩個湯底一濃一淡，配合得剛好。肉方面我點左日本A5 和牛同松板豬，和牛一擺上枱，色澤同油花分佈已經睇到好鮮嫩，淥完再一啖放入口，有講不出的滿足滿。松板豬亦無令我失望，肉質美味，湯底夠晒濃郁，吾使點醬汁已經好夠味👍🏻至於其他丸類同醬料就係自助吧攞，不得不提個蝦滑，入面仲有花枝，超級足料又夠彈牙，必食之選最後點少得甜品時間，我叫左黑糖牛奶白玉奶酪同蕉糖布蕾。兩隻都好味到停吾到口，奶味香濃又滑溜👍🏻為呢一餐留下一個美好既句號，總括而言，下次會再幫襯試埋其他湯底