漢記海鮮酒家

Open Now

Now Closed

第一次約朋友嚟鯉魚門，交通方便過入西貢好多。睇完OpenRice, 為咗個椰皇，揀咗漢記。一入條街就搵到，入面地方好乾淨，仲好有渡假feel,胃口都好啲！海鮮唔使講都鮮，蒸嘢代表有石斑同大墨魚，冇扣分位，正！最想講兩碟大驚喜，係豉油王大🦐，同椒鹽鮑魚，惹味得嚟又唔會太鹹，啱啱熟又冧又彈牙(饒恕我文筆麻麻，唔好鬧，冧就唔彈，彈就唔冧，但食落真係咁😅）。下餐一定要帶埋老爸老媽嚟！咕嚕肉原來係攞獎招牌菜，炸豆腐餸啤酒一絕。好彩我甜品從來都係有第二個胃，個椰皇又香又滑，又忍唔住食咗先記得影相添😅，結果連個椰殼都比我食得乾乾淨淨！老板娘同員工都親切有禮,我一定會再嚟，因為已經諗定下餐食乜。