12
1
3
Telephone
22436338
Opening Hours
Today
12:00 - 22:00
Mon - Sun
12:00 - 22:00
Payment Methods
Visa Master Cash UnionPay
Other Info
Alcoholic Drinks
Parking
Phone Reservation
TV Broadcast
Signature Dishes
芝士焗龍蝦 豉椒炒聖子 椒鹽瀨尿蝦
Review (19)
我老豆食嘢要求高,又嘴刁,鍾意食海鮮;我哋每年諗餐廳慶祝諗到頭都大,今年姐夫竟然大膽提議話請老豆去食海鮮,連餐廳都決定埋,我同家姐細佬梗係唔畀意見,坐定定等食啦~餐廳毗鄰魔鬼山,食飯之前可以睇埋日落,一家大細行都完全冇難度。餐廳門面光猛闊落,樓底高,有2層,樓上座位以房間形式為主,隱私度高,適合私人宴客形式。我們坐的房間有海景,可能我到嘅時候已經入黑,享受不了。就著餐廳員工的介紹和我們的喜好,我們有大有細,一共6大2小,點了很多不同嘅海鮮,包括帶子、蟶子、蝦、瀨尿蝦和龍蝦等,超豐富。海鮮湯來之前看過食評,很多人都大讚這裡嘅海鮮湯足料夠鮮味,今次試過後,發現的確鮮味十足,而且材料豐富,裡面除了有魚蝦之外,還加入了蜆肉、木瓜、芥菜、蕃茄、紅蘿蔔和豆腐等,喝起來魚鮮味濃,清甜而不膩,一點也不腥,反而,喝完也不覺有半點負擔,連平日不會主動喝湯嘅5歲小姨甥也喝了兩碗,十分難得。要說的是,呢餐飯嘅每道海鮮味道都相當不俗呢。生炒骨生炒骨同樣係呢度嘅招牌菜,店員介紹話午飯時間好多人會點。排骨炒得好惹味,酸甜味恰到好處,十分開胃;炸粉厚薄適中,入口鬆脆,如果可以多啲菠蘿就好喇~不過,如果同海鮮比較,一定係海鮮出眾好多!白灼海中蝦除咗海鮮湯,另一樣令我姨甥仔食得津津有味嘅就係白灼海中蝦。蝦夠大隻夠新鮮,肉質實淨,食落爽口彈牙,唔沾豉油都好好食,食到蝦肉嘅鮮甜味,姨甥仔自己一個食咗差唔多半碟。蒜蓉粉絲蒸元貝粉絲煎元貝差唔多海鮮餐必食嘅嘢,熱氣騰騰嘅元貝一大盤端出來,賣相非常吸引,有氣勢;加上蒜香味,令人食指大動。必須強調的是,帶子超級大隻,你看,每隻都大約我姐的手掌,大大隻,又飽滿厚肉,夠肥美,吃起來彈牙唔乾身,爽甜無渣,伴著蒜蓉粉絲一齊食,十分惹味。豉椒蟶子皇煎米粉餐廳推介煎米粉,話係大廚推介菜式,咁我哋都無理由唔試。加上老豆鍾意食蟶子,就一於試下。見到廬山真面目,煎米粉隨即成為全場焦點,大家變得超雀躍,叫我快啲影完等佢哋可以食。蟶子勁大隻,脹卜卜,同平時媽咪喺街市買返屋企烹調嘅真係完全唔同。食落爽口無沙,而且啖啖肉;一問之下,原來係高質貨,係嚟自愛爾蘭嘅蟶子!蟶子以外,煎米粉絕對更加係加分嘅一環。入口酥脆如鍋巴,配上味濃但唔鹹嘅豉椒汁,份外惹味,兩者簡直係絕配。椒鹽瀨尿蝦呢味海鮮係我老豆嘅至愛,出街食海鮮必食嘅。一碟有2隻瀨尿蝦,同平時長過手指多啲嘅真係相差好遠,原來可以咁大隻。你睇,每隻瀨尿蝦都舖滿椒鹽,食嗰陣鹹鹹哋,又辣辣哋,香口惹味,正~食呢款瀨尿蝦,一定要舔晒成隻蝦殻,舔埋手指先係最高境界!唔怕話你知,我哋ENCORE咗呢味餸,因為真係太精彩,老豆好鍾意~第2碟嚟嘅蝦仲要更加大隻,更多肉之餘,仲有埋膏,好CRAZY!芝士焗龍蝦(伊麵底)這個芝士焗龍蝦配伊麵有別於平時吃嘅芝士焗龍蝦,嚟到嗰陣,入面啲芝士仲滾緊,令人食指大動。另外,平時食呢個餸,會因為芝士太膩,調味太濃,會一啖起兩啖止,但呢個係完全唔會,反而令我食完一啖又一啖,一啲都唔覺漏。唔知你有冇留意到,呢個芝士焗龍蝦嘅芝士顏色偏黃,同喺其他餐廳食嘅唔同,問咗老闆,原來係用咗比較另類嘅西西利島芝士,我更加係聽都未聽過啦~~~就係呢個芝士焗龍蝦,令平時唔係好鍾意食呢個餸嘅我都食過返尋味,有心機去品嚐啲龍蝦,蝦肉勁飽滿厚肉,食落爽彈有口感,令人忍唔住食多幾件。伊麵煙韌,配埋個芝士汁真係無得頂。值得一提嘅係,呢盤芝士焗龍蝦真係好大盤,好似臉盆咁大,大盤過隔離煲湯。我哋打包返屋企,第2晚食一樣咁好味,蝦肉都係爽,無變霉到,好神奇呀!招牌椰皇甜品壓軸登場!聽說呢個係漢記嘅鎮店之寶,係上手嘅招牌甜品,老闆接手嗰陣,要求上手教授先得似保留,不過都唔完全係100%原來嘅秘方。聽講製作過程好複雜,差唔多要成個鐘,我地無提早預訂,數量有限,所以就2人share 一個嚟食。本身睇個樣諗住無咩特別,好似布甸口感,甜甜哋咁。但原來誠意十足,除咗用原個椰子上之外,仲用返椰子水,加入蛋白和日本3.6牛奶去原個燉,完全無添加糖份,食落唔只滑,而且有好滋潤嘅感覺,絕對係健康好味又打卡able嘅甜品!如果大家想食,建議訂位個陣預留埋~今餐真係大滿足!重點係,連平時出街食飯彈三彈四嘅老豆都讚,仲話下次要再嚟,就知道水準唔會差得去邊。我同家人都覺得廚師功力好夠,每款食材都拿捏得好好,絕對值得大家一試。最後仲有好大碟生果盤~因為餐廳係鯉魚門,我喺食飯之前就先約朋友行個靚山,之後再JOIN屋企人去食晚飯~魔鬼山唔難行,睇日落真係一流,一家大細行都完全冇難度。不過我當日就嫌路線短,想行一個下晝,就去埋石礦場段,最後附上靚景畀大家望下啦。 continue reading
Level1 2022-02-07
52 views
本人在鯉魚門漢記海鮮預訂了盆菜食團年飯($1768)點之送到泥漏咗包魚和金蠔咁就send message 比返個負責人問佢可否即時送返比我 佢話以經收工但一定會再聯絡我初初好似好有誠意幫我解決佢問我想點咁我就話一係你退返1000比我或再送個新比我等我送比人算啦我團年飯我負責訂盆菜 點知就漏左最重要果2樣搞到我勁樣衰都算啦點知佢話經過佢地6個老闆開會後會送返漏左嘅鮑魚和金蠔比我你話幾搞笑!( 其實風涼說話人人都識講 只希望大家有點同理心睇呢件事吧 針吾拮到肉吾知痛呢 ) continue reading
(The above review is the personal opinion of a user which does not represent OpenRice's point of view.)
第一次約朋友嚟鯉魚門,交通方便過入西貢好多。睇完OpenRice, 為咗個椰皇,揀咗漢記。一入條街就搵到,入面地方好乾淨,仲好有渡假feel,胃口都好啲!海鮮唔使講都鮮,蒸嘢代表有石斑同大墨魚,冇扣分位,正!最想講兩碟大驚喜,係豉油王大🦐,同椒鹽鮑魚,惹味得嚟又唔會太鹹,啱啱熟又冧又彈牙(饒恕我文筆麻麻,唔好鬧,冧就唔彈,彈就唔冧,但食落真係咁😅)。下餐一定要帶埋老爸老媽嚟!咕嚕肉原來係攞獎招牌菜,炸豆腐餸啤酒一絕。好彩我甜品從來都係有第二個胃,個椰皇又香又滑,又忍唔住食咗先記得影相添😅,結果連個椰殼都比我食得乾乾淨淨!老板娘同員工都親切有禮,我一定會再嚟,因為已經諗定下餐食乜。 continue reading
(The above review is the personal opinion of a user which does not represent OpenRice's point of view.)
去得鯉魚門食海鮮的話當然是豁出去的,所以叫什麼海鮮不是重點,你見到相入面啲蟹殼花螺殼就知咩事。最重要的是叫海鮮是叫一些不是就咁蒸的,因為就咁蒸的在屋企也整到,最好叫譬如薑蔥炒蟹,鹽焗花螺這些,你在家中整到嗎?不過重點是一定要叫這裏的椰皇,記得留肚食埋個甜品先好走,次次我們嚟到都一定會留肚食埋個甜品,一人一個。 continue reading
(The above review is the personal opinion of a user which does not represent OpenRice's point of view.)
已經近十多年沒有來這地方這間優雅的酒家食物新鮮價錢還比以前平很多🤩白灼海生蝦果皮蒸韓國鮑魚豉椒炒蟶子皇薑蔥炒肉蟹上湯焗龍蝦大班兩味碧綠炒斑球紅燒斑頭腩辣酒煮花螺揚州炒飯海鮮豆腐湯合時水果 continue reading
(The above review is the personal opinion of a user which does not represent OpenRice's point of view.)