新泰東南亞餐廳 (太子集團中心) (Closed)

去完歐洲旅行，一番到香港第一時間就諗起東南亞美食，去尖沙咀一講起東南亞菜就會諗起新泰，餐廳位於北京道太子集團中心，iSquare後兩條街就係，拍拖行完街睇完戲去就啱晒。晚上時間都非常爆，但都好好安排到窗邊梳化位俾我地。menu都幾多選擇，我地兩人好貪心咩都想食，最後都叫咗青芒果沙律、香茫軟殼蟹米紙卷、南瓜焗咖喱海鮮同冬蔭功首先嚟嘅係比較清新嘅青芒果沙律同香茫軟殼蟹米紙卷，兩款小食食材新鮮配埋泰式辣醬，微辣得嚟酸酸甜甜好開胃！餐廳出餐好快，好快就捧咗食泰菜必嗌嘅冬蔭功！冬蔭功有兩種份量，兩個要細份啱啱好！湯入面有大蝦同埋好多菇，而且香料好正宗！成隻開邊嘅大蝦最後上菜嘅就係南瓜焗咖喱海鮮，南瓜咖喱本身已經好吸引，咖哩唔算辣有南瓜嘅清甜同椰汁香，海鮮有蝦、青口、魷魚、斑塊等等，而且仲係放份原隻南瓜上碟，可以連南瓜肉都食埋，淨係望落去已經流晒口水！個汁真係太惹味我地仲叫咗印度酥餅汁都撈埋！除咗嘢食之後，嘢飲一樣重要，餐廳嘅飲品menu都好多選擇，我地分別叫咗龍眼冰同番石榴沙冰龍眼冰好多龍眼肉！沙冰一樣好飲！