鵝鹵宮 (Closed)

食過番尋味，今晚又去搵我老公 👩🏻‍❤️‍💋‍👨🏻講緊元朗間「鵝鹵宮」呀哈哈哈唔好諗錯隔離🤣 聽個名都知餐廰走年輕同玩味路線，食物質素認真唔錯！ 以前冇諗過潮州菜係咁好食，依家係食完再食🍴 ►鹵水鵝拼盤潮洲特產獅頭鵝肉質係特別鬆軟，咬落軟淋淋索汁一流；陳年滷水膽充滿香料同肉汁精華，香噴噴非常惹味。滷水鵝片、鵝臀、鵝翼、鵝肝、鵝掌、鵝腸乜都有，正呀😋►卜卜脆蠔烙原來呢個係潮汕經典菜式，好～好～味～呀～～～～香口但唔油膩，外脆內軟，一食停唔到口，大推👍🏻⭐►茶樹菇花膠燉烏雞堅足料，花膠烏雞夠滋潤，加上一大堆茶樹菇，真係細食少少都會飲湯飲飽😌►梅羔烤骨拼芒果蝦球烤骨好甜，連骨嘅肉係特別有口感；蝦球大大隻又爽口，賣相精緻，咬落脆卜卜🥰►茶樹菇銀線小豆苖爽口，清清地中和返滷水同香口野唔錯🌱►蛋白杏仁茶中式晚餐有甜品食係幾開心，香滑唔太甜，啱我 💗飲品都係養生為主，推介「滋潤紅棗桂圓茶」同「仲夏荔枝涼透心」。下次來嚟我要試椒鹽九肚魚、黃金炸油粿同反沙芋條！ 💯💯💯💯