Video
Read full review
2022-09-21
261 views
猶記得上次嚟到驚為天人，食咗幾啖就有衝動約朋友再嚟，慶幸再訪都水準依然。二人餐 ($398)重點當然係自助沙律吧，值得一讚六款嘢食除咗賣相精美，任何時候出去保持到滿嘅狀態，夾都夾得開心啲。每次我都主攻蜜糖芥末薯仔，幼滑香甜又Creamy，明知會飽肚都忍唔住夾好多。 今晚羽衣甘藍沙律同南瓜都好靚好新鮮，淨係黎當野菜放題都回唔少本。冬陰功湯夠晒酸辣正宗，用料好豐富，每碗必定有蝦、青口、三文魚同菇，滿足咗食傳統泰菜嘅慾望。參巴醬煎三文魚配鮮菌意大利飯成個組合非常高質，三文魚扒好厚身，煎得香口連魚皮都脆，魚肉唔會鞋仲有肉汁。 記得上次嚟係配冬陰功飯，估唔到我會鍾意呢個新口味多啲。 雖然睇落好似係普通嘅忌廉蘑菇意大利飯，但真係好綿密濃厚，惹味得黎唔會膩。紅咖喱豬鞍架外脆內嫩，切開就感覺到肉汁就快流出黎咁，啖啖都好Juicy。 寬麵幾香似自家製，燒菠蘿都好甜又多汁，成個配搭好完整。小食拼盤 (+$108)難得樣樣都好啱口味，尤其鍾意當中嘅炸物，泰式蝦餅、春卷、蜜糖雞翼全部熱辣辣好香口，仲好有心咁配齊甜酸醬同沙律醬，少有地感受到食小食拼盤嗰種興奮。經典泰式奶茶個樣靚到勁啱打卡，其實我一直覺得ChaT
二人餐 ($398)重點當然係自助沙律吧，值得一讚六款嘢食除咗賣相精美，任何時候出去保持到滿嘅狀態，夾都夾得開心啲。
每次我都主攻蜜糖芥末薯仔，幼滑香甜又Creamy，明知會飽肚都忍唔住夾好多。 今晚羽衣甘藍沙律同南瓜都好靚好新鮮，淨係黎當野菜放題都回唔少本。
冬陰功湯夠晒酸辣正宗，用料好豐富，每碗必定有蝦、青口、三文魚同菇，滿足咗食傳統泰菜嘅慾望。
參巴醬煎三文魚配鮮菌意大利飯成個組合非常高質，三文魚扒好厚身，煎得香口連魚皮都脆，魚肉唔會鞋仲有肉汁。 記得上次嚟係配冬陰功飯，估唔到我會鍾意呢個新口味多啲。 雖然睇落好似係普通嘅忌廉蘑菇意大利飯，但真係好綿密濃厚，惹味得黎唔會膩。
紅咖喱豬鞍架外脆內嫩，切開就感覺到肉汁就快流出黎咁，啖啖都好Juicy。 寬麵幾香似自家製，燒菠蘿都好甜又多汁，成個配搭好完整。
小食拼盤 (+$108)難得樣樣都好啱口味，尤其鍾意當中嘅炸物，泰式蝦餅、春卷、蜜糖雞翼全部熱辣辣好香口，仲好有心咁配齊甜酸醬同沙律醬，少有地感受到食小食拼盤嗰種興奮。
經典泰式奶茶個樣靚到勁啱打卡，其實我一直覺得ChaTraMue之流嘅泰式奶茶好難入口，呢度稱得上係好飲，套餐價只係要$24，性價比好高。
Post
