Video
Read full review
2021-08-02
109 views
自從大約一年前食過一次呢度嘅三色丼之後，就一直對佢念念不忘！趁住假日，就同男朋友嚟咗呢度再次回味！我哋大約下午兩點鐘到達店舖，估唔到全場爆滿，我哋都等咗一陣先可以有位坐！因為天氣真係好熱嘅關係，我哋都想食啲清涼嘢，就主力叫咗啲壽司同魚生飯！🍡三文魚三味壽司 HK$38本身壽司米飯都已經用醋調味好，但係佢比較特別係佢嘅米飯唔係普通既白色，而係好似用咗豉油嘅啡色，所以我都好有興趣想知佢點樣調味😂😂可以令到米飯嘅咸淡程度啱啱好！除左壽司飯特別之外，三文魚亦都好新鮮，好厚肉好彈牙，就算啖啖肉亦都唔會覺得肥膩！🍡火炙魚生飯 HK$138魚生嘅材料好豐富，有三文魚，帶子，大蝦，穴子，墨魚，鯖魚，同埋吞拿魚！之前食開魚生飯，都係純刺身，但係今次可以有火炙揀🤩🤩試下口感同平時有無分別！我個人就認為火炙有佢嘅風味，新鮮嘅魚生外層被火炙過，有佢獨特嘅香氣，穴子好滑無刺，生蝦帶鮮甜，反而吞拿魚相對冇咁出色！🍡三色丼 HK$188終於到咗我最愛嘅三色丼，包括有蟹膏飯，海膽飯，同吞拿魚蓉飯！❣️蟹膏飯蟹膏好鮮甜，食得出淡淡蟹膏味，好香，連埋啲蟹肉食落去喺口腔中爆發簡直一流🤤🤤❣️海膽飯海膽一啲都唔腥，好滑既口感，仲
我哋大約下午兩點鐘到達店舖，估唔到全場爆滿，我哋都等咗一陣先可以有位坐！
因為天氣真係好熱嘅關係，我哋都想食啲清涼嘢，就主力叫咗啲壽司同魚生飯！
🍡三文魚三味壽司 HK$38
本身壽司米飯都已經用醋調味好，但係佢比較特別係佢嘅米飯唔係普通既白色，而係好似用咗豉油嘅啡色，所以我都好有興趣想知佢點樣調味😂😂可以令到米飯嘅咸淡程度啱啱好！
除左壽司飯特別之外，三文魚亦都好新鮮，好厚肉好彈牙，就算啖啖肉亦都唔會覺得肥膩！
🍡火炙魚生飯 HK$138
魚生嘅材料好豐富，有三文魚，帶子，大蝦，穴子，墨魚，鯖魚，同埋吞拿魚！
之前食開魚生飯，都係純刺身，但係今次可以有火炙揀🤩🤩試下口感同平時有無分別！
我個人就認為火炙有佢嘅風味，新鮮嘅魚生外層被火炙過，有佢獨特嘅香氣，穴子好滑無刺，生蝦帶鮮甜，反而吞拿魚相對冇咁出色！
🍡三色丼 HK$188
終於到咗我最愛嘅三色丼，包括有蟹膏飯，海膽飯，同吞拿魚蓉飯！
❣️蟹膏飯
蟹膏好鮮甜，食得出淡淡蟹膏味，好香，連埋啲蟹肉食落去喺口腔中爆發簡直一流🤤🤤
❣️海膽飯
海膽一啲都唔腥，好滑既口感，仲好鮮甜！
❣️吞拿魚蓉飯
吞拿魚蓉本身被攪到好纏綿嘅感覺，一啖放落口，啲魚蓉就係口中溶化🤩
Post
