Goobne Chicken (瓊華中心)

Open Now

Now Closed

炸雞熱潮仍未過, 在尖沙咀既人氣Goobne原來已登陸旺角, 標榜無油炸雞咁健康, 要試吓係真唔係先. 晚飯黃金時段前6點半到達, 一出電梯已坐滿人龍, 幸好英明既我係買外賣, 間店既侍應都是韓國人, 佢哋啲英文都不錯, 但當我落當時, 櫃枱只有韓文餐牌, 要細問先大約知乜東東係東東 , 可能新店又旺場, 人手有啲不足, 在無人等外賣下我都要等15分鐘. 在等候期間無聊周圍八, 見到這電子等位幾方便, 輸入人數取飛, 又可知仲有幾多張輪候. 除了炸雞, 還有其他煮雞菜式及其他韓食, 特式酒精飲品好鬼馬, 成支酒倒插入杯.包裝盒印了兩位韓星代言人, 不過小弟完全唔曉得他們, 盒上有開天窗設計幫助疏熱氣.  雞件大約9件, 有雞腿, 雞翼, 雞胸.  所謂無油炸原來是烤雞, 沒有沾上厚粉炸到脆卜卜, 烤雞配上大量蜜糖及咖哩醃製, 勁有bbq風味囉, 咖哩又不太辣, 我哋覺得已夠味, 所以都無沾芥辣醬.  雖然烤製, 仍帶肉汁, 肉質比想像軟滑.   食到接近底見好多金黃液體以為咁多油, 但原來係蜜糖沉晒底......所以食到啜手指囉.  因為無炸粉, 而配菜有酸蘿蔔消滯, 我自己都好輕易食