Video
Read full review
2024-06-22
3348 views
前排早咗放工同男朋友💂🏻去咗 #香香宮煮 食嘢我哋就揀咗花膠雞湯底😋👍🏻湯底好香濃，我哋未落火鍋配料前都專登一人飲咗一碗，唔會油膩之餘仲帶有甜味，仲有唔少花膠添🤤配料方面，我哋就揀咗：💗艾莎公主牛肉寶盒呢個牛肉🐮寶盒一打開煙霧瀰漫，好似去咗仙境咁😍牛肉款式有成6款，選擇困難症叫呢個就唔洗慢慢諗，牛柳粒嘅牛味最濃，食落仲帶微甜，牛舌切成薄片，唔洗灼太耐已經食得，夠爽口👍🏻整體啲牛嘅油脂分佈幾平均~唔錯💗手打蟹子鮮蝦丸平時我食唔新鮮嘅蝦會敏感，嘴嘅周圍會起晒紅點，呢個我食完一啲事都冇🤤已經證明佢真係用咗鮮蝦，而且佢口感好彈牙，值得一試💗伊比利亞橡果豬呢個橡果豬一樣都係好高質，唔食牛嘅一定要叫呢款嚟試吓！因為佢啲肉質好嫩唔會鞋，而且唔會有豬騷味❗❗係帶有微甜嘅，我覺得比起黑豚肉更好食.小食及飲品方面：🧡香香宮煮響鈴拼盤呢個係為咗又可以有響鈴用嚟打邊爐，又可以有得食即炸嘅黃金響鈴🤤個黃金響鈴唔洗放落去打邊爐，係即刻可以食原理應該同黃金蝦一樣，都係有層鹹蛋黃喺面，脆口嘅響鈴原來同鹹蛋黃夾埋一齊係咁好食🧡爽脆魚皮有別於平時喺其他地方食嘅魚皮，呢款唔係一絲絲，而係一片片☺️食落比起平時更有口感，不過都
我哋就揀咗花膠雞湯底😋👍🏻
湯底好香濃，我哋未落火鍋配料前都專登一人飲咗一碗，唔會油膩之餘仲帶有甜味，仲有唔少花膠添🤤
配料方面，我哋就揀咗：
💗艾莎公主牛肉寶盒
呢個牛肉🐮寶盒一打開煙霧瀰漫，好似去咗仙境咁😍牛肉款式有成6款，選擇困難症叫呢個就唔洗慢慢諗，牛柳粒嘅牛味最濃，食落仲帶微甜，牛舌切成薄片，唔洗灼太耐已經食得，夠爽口👍🏻整體啲牛嘅油脂分佈幾平均~唔錯
💗手打蟹子鮮蝦丸
平時我食唔新鮮嘅蝦會敏感，嘴嘅周圍會起晒紅點，呢個我食完一啲事都冇🤤已經證明佢真係用咗鮮蝦，而且佢口感好彈牙，值得一試
💗伊比利亞橡果豬
呢個橡果豬一樣都係好高質，唔食牛嘅一定要叫呢款嚟試吓！因為佢啲肉質好嫩唔會鞋，而且唔會有豬騷味❗❗係帶有微甜嘅，我覺得比起黑豚肉更好食
.
小食及飲品方面：
🧡香香宮煮響鈴拼盤
呢個係為咗又可以有響鈴用嚟打邊爐，又可以有得食即炸嘅黃金響鈴🤤
個黃金響鈴唔洗放落去打邊爐，係即刻可以食原理應該同黃金蝦一樣，都係有層鹹蛋黃喺面，脆口嘅響鈴原來同鹹蛋黃夾埋一齊係咁好食
🧡爽脆魚皮
有別於平時喺其他地方食嘅魚皮，呢款唔係一絲絲，而係一片片☺️
食落比起平時更有口感，不過都有啲辣，食得辣嘅先好嗌呀
🧡竹蔗茅根
飲品方面，怕會熱氣嘅我哋就叫咗竹蔗茅根，唔會太甜，而且好夠凍，啱晒打邊爐飲，不過個壺有啲重😂一開頭全滿嗰陣建議由男士幫手斟
Post
