鮨樂 (如心廣場二期)

Open Now

Now Closed

今日有事要到荃灣，做完嘢經過鮨樂，入去食個靚lunch。Staff態度唔錯，有禮貌，感覺誠懇。今時今日好難得。Menu好多選擇，樣樣睇落好正，樣樣都想試。最終揀咗特選北海道丼，$208。落完order 好快上味噌湯同沙律，好嘢可以邊食邊等。沙律係普通果種，不過勝在蔬菜新鮮。味噌湯幾有誠意喎，唔係普通開粉果種，食得出有鮮味又夠熱。食食下個丼嚟咗，實物同圖差唔多。個丼有甜蝦、蟹肉、海膽、三文魚子同帶子。海膽新鮮唔苦，濃濃海鮮味，感覺純厚。三文魚子好彈牙，一咬爆漿。蟹肉都鮮甜但有蟹殼碎。帶子同蝦新鮮都係軟綿綿，不過唔係特別出色。食完啲餸唔夠喉🤪單叫咗3件，分別係三文魚、油甘魚同赤蝦。壽司細細件，已經預上加咗wasabi。特別出色係油甘魚，魚肉夠厚有口感，入口柔軟，正😄。埋單總共$283，價錢合理。