金金日式燒肉店

Open Now

Now Closed

同事farewell lunch，今次終於可以去遠少少，去左銅鑼灣食燒肉，呢間係樓上店，呢日黎到冇咩人，我地一行十幾人好似包左場咁。望下餐牌，有一人午市套餐，價錢合理，另外仲有豐富D既二人餐同四人餐。為左方便，我地分開叫，圖中係兩個唔同既二人餐，除左海鮮，肉類，仲有黑松露和牛炒飯，鯛魚刺身沙律，前菜就係特式既櫻花龍蝦豆腐。海鮮類最鐘意係花甲，雖然尺寸唔係大，但係好鮮甜，肉身都幾飽滿！肉類方面，牛豚雞都各佔，其中牛類會較多款同件數，而當中一款A5和牛真係超級無敵好味，極力推薦，因為個口感超正，油脂分佈好好，但得兩塊，好食到個個同事都心心眼，仲想散叫，但好可惜既係待應話冇得散叫。呢間燒肉店真係好高質，性價比超高，如果我係銅鑼灣番工，一定個個星期都黎食。