Video
Read full review
2009-06-03
49 views
師傅記得上次百無聊賴, 同好友食家"乜都放入窿"由佐敦行落去油麻地, 正當師傅準備揮手道別之時, 好友食家"乜都放入窿"突然問師傅知唔知廟街牛雜喺邊, 師傅擰晒頭, 於是好友食家"乜都放入窿"就帶路!本來兩位食家都食到飽, 諗住行去睇下個位置, 絕冇諗過要食, 但行到埋去見到未收檔, 加上仲要冇人, 合晒胃口, 就決定試一試佢! 師傅同好友食家"乜都放入窿"講要兩串好喇, 點知好友食家"乜都放入窿"話買廿蚊份量都唔會好多架咋, 於是就埋去買左廿蚊牛雜!剪左一輪之後, 師傅同好友食家"乜都放入窿"發覺廿蚊嘅份量都唔少喎, 唔知佢係趕收工定係真係應該有咁多呢? 不過唔理咁多, 第一時間搵個有利位置開餐! 牛雜真係咩都有, 肺, 肚, 腸, 膀樣樣都齊, 加上份量勁多, 淨係睇到已經覺得抵食! 先講牛肺, 肺入口軟熟, 而且爽口, 一d都唔韌, ,不錯; 牛肚一樣係勁腍入味, 雖然唔係金錢肚, 但依然可口, 正; 牛腸算不上太肥, 但亦一d都唔瘦, 加上炆得夠腍同入味, 掂呀; 最後牛膀亦腍, 但絕對冇異味, 真係唔錯; 最後就係個汁底, 味道夠但談不上濃, 雖然唔濃但亦唔會冇左牛雜嗰個味,
本來兩位食家都食到飽, 諗住行去睇下個位置, 絕冇諗過要食, 但行到埋去見到未收檔, 加上仲要冇人, 合晒胃口, 就決定試一試佢! 師傅同好友食家"乜都放入窿"講要兩串好喇, 點知好友食家"乜都放入窿"話買廿蚊份量都唔會好多架咋, 於是就埋去買左廿蚊牛雜!
剪左一輪之後, 師傅同好友食家"乜都放入窿"發覺廿蚊嘅份量都唔少喎, 唔知佢係趕收工定係真係應該有咁多呢? 不過唔理咁多, 第一時間搵個有利位置開餐! 牛雜真係咩都有, 肺, 肚, 腸, 膀樣樣都齊, 加上份量勁多, 淨係睇到已經覺得抵食! 先講牛肺, 肺入口軟熟, 而且爽口, 一d都唔韌, ,不錯; 牛肚一樣係勁腍入味, 雖然唔係金錢肚, 但依然可口, 正; 牛腸算不上太肥, 但亦一d都唔瘦, 加上炆得夠腍同入味, 掂呀; 最後牛膀亦腍, 但絕對冇異味, 真係唔錯; 最後就係個汁底, 味道夠但談不上濃, 雖然唔濃但亦唔會冇左牛雜嗰個味, 不過如果個汁再濃d, 就更加搶口!
總括黎講牛雜質素頗佳, 環境當然唔會好得去邊, 街邊小食想點好呢? 衛生情況相信係接受到, 因為師傅食左咁多日後仍然健在, 而價錢就抵食啦, 廿蚊咁大盒, 邊道搵呢? 而呢間食店師傅亦難免同十三座牛雜比一比, 雖然兩者風格不大相同, 如果要揀後者更為師傅喜歡; 不過要數全油尖旺最好味嘅牛雜店, 呢一間一定榜上有名!
作戰到最後, 淨底三件, 好友食家"乜都放入窿"亦終於敵不過胃魔王嘅威脅, 舉手投降, 呢次絕對係師傅第一次見到好友食家"乜都放入窿"投降, 仲以食到嘔黎結尾, 厲害! 呢間食店笑臉一定走唔甩, 而有機會一定會再黎, 不過好友食家"乜都放入窿"就可能未必同行, 皆因有陰影嘛!
Post
