廟街牛雜

Open Now

Now Closed

上個星期日，我經過油麻地既時候，發現有呢間鋪頭都幾多人排隊，我於是抱住一試無妨既態度排埋一份。行近埋去，都已經香噴噴，到一食落口就直情停唔到口。今次係我第一次食呢間牛雜，牛既肉質的確好鮮嫩，唔會有任何腥味，再加上攤主自己調嘅醬汁，真係堅正，可能因為多人買既關係，佢既牛雜賣得快，所以唔係搞到好淋，而蘿白先係碗牛雜既精髓，所有嘅食材一齊食就好完美。，煮嘅時間同火候都掌握得好啱好啱。如果你係掃街愛好者，以後有多一間選擇。呢度嘅牛雜一定會令你想嚟返嚟再食多幾次。其實香港都有好好食既牛雜，又何必山長水又遠去澳門食一兜100蚊一碗既牛雜

好耐之前食過，覺得都算整得好食。今日行過發現都好多人排隊，即刻再去試下 牛雜好入味，牛雜煮得够煵，搭配埋芥辣醬、甜醬，口味幾獨特，簡直一流，食完的確會口渴不過正常啦，幾推薦

呢間牛雜出晒名去到廟街就一定要試吓每次經過都見到佢大排長龍今日趁佢啱啱開舖少啲人就去食吓牛雜有分大碗同細碗如果兩個人食嘅話又想試吓味道可以叫細碗不過食完就會後悔因為想繼續再食，唔夠喉😂😂😂呢間牛雜嘅大腸清理得好乾淨鍾意食大腸嘅朋友就可以放心食我就最鍾意食肺，煮得啱啱好，好入味牛肚煮得非常之腍身不過我覺得食牛雜其中一個最重要嘅精髓就係白蘿蔔本身以為入邊會有少少白蘿蔔跟埋但係原來要加$10先有所以鍾意食白蘿蔔嘅朋友，就記得要加錢喇

今日同朋友去佐敦食飯，經過呢間廟街牛什，見到好多人排隊，心諗應該都幾好食所以就去排隊試吓牛雜有分兩個size，強烈建議如果多人來食一定要揀大碗！因為細碗個份量只係大碗嘅三分之一，大碗抵食好多！牛雜煮得好淋身，大腸好肥潤，最好食係牛肺同埋牛蒡，因為牛肺個口感呢係有少少似豬紅，食落去呢系好爽口同好彈牙，牛蒡嘅感覺就有少少似食鵝肝咁，佢嗰個秘制汁呢都係煮得好香好特別，同平時喺龍津食嗰種係唔同！佢呢一間主要係食佢嗰個鮮味和牛味！推介大家經開油麻地嚟試吓，支持下小店！

已經好耐無食過街邊小食！一直排緊四季男朋友係咁話好想食炸大腸同牛雜！所以食完煲仔飯之後即刻去買左一份炸大腸同牛雜！本身無咩期望既食第一粒炸大腸，個頭頂即刻有好多星星🤩外脆內軟，再加上酸梅醬同芥末汁，依個配搭一流！另外，牛雜都好食， 佢個汁啱啱好又唔會好咸而且啲牛雜好入味同冧！久違的味道！！！不過食完好口渴但好滿足！P.S:老闆剪牛雜同炸大腸十分細心舖頭裝修都好靚，而且乾淨衛生！超多人去食同排隊😆

從前是一對老夫妻於後巷一小位置以手車仔擺檔，後來於某店後門一暗角度至現在店舖。疫情前，店舖一直排長龍，大家都會買一份牛雜在店外食或買到旁邊的煲仔飯店內加餸。小時候，轉角有一間士多賣樽裝汽水🥤，連牛雜🐮、蠔餅🦪及煲仔飯🍚被稱為廟街四寶。廟街牛雜出名大件夾抵食，而且選擇多，從前必食柚皮、脆骨、牛膀、牛心定等。可能疫情關係，現時選擇都少了。不過不得不贊他們水準無改變，牛雜炆得淋，不臊且牛雜汁非常入味，牛膀更入口溶化。美中不足是聽聞一絕的柚皮已停賣了一段時間了😭其次，炸大腸🍡相信是香港掃街文化之表表者，炸得非常之脆，配上酸梅醬減低油膩感，再加甜醬黃芥辣，香酸甜辣味道層次百感交集，非常好味🏵🏵

黎到油麻地見到有間裝修得幾得意既店舖，紅色做主題。同班朋友叫左個大碗既牛什，有牛腩、牛腸、牛肺、蘿蔔、豬紅及魚蛋等...樣樣都有D，好適合同班朋友一齊Share牛什燉得好軟爛，好入味，而蘿蔔，清甜可口，入口即溶食完都唔會覺得好膩

當年廟街一對夫婦(懷疑是現在的後生仔老闆的父母)車仔檔年代已經幫襯，後來在某店後門擺檔(即現在店舖的對面)亦不時光顧，後來入了現時的舖當然繼續支持，不竟真的是大件夾抵食，而且佢真係真真正正嘅牛雜，好多「了能」位，包括我的最愛︰脆骨同心椗。但現在百物騰貴，從前$20細兜牛雜和$50大兜牛雜衣家都縮晒水。咁多年黎，我都係例牌叫肺、脆骨同埋心椗，可惜早兩日路過幫襯時，老闆話無脆骨同埋心椗，我成個人即刻Down晒，結果叫了$20淨肺，唔知係唔係心情影響啦，我覺得無以前咁好食。希望佢係咁啱無脆骨同埋心椗而唔係以後都無啦……

以前系佢隔離鋪位四季煲仔飯排隊果陣成日見哩間店好多人排隊，都有d好奇🧐今次又咁岩見條龍唔係好長所以試下😜哩間真係好好，好足料🤩同老闆講唔要d咩都肯而且全部都好好味牛膀足料到覺得食到有d飽，牛肚夠淋，牛腸都唔會有奇怪味大家真係經過要同朋友一齊share下黎食呀

自自由行佔領香港，一直很少遊油尖旺，印象中的廟街應該是滿街鬼佬，雜貨地攤，桑拿茶舞廳，平民夜總會。 天氣寒冷，尤記得暖胃煲仔飯，千年油炸大腸潮汕蚝仔餅，充滿八十年代滄桑味道。當然牛雜簡直係地道代表美食，尤其是牛肺軟綿口感配上瑩光黃芥辣，喉部爽脆。最鐘意係老闆把鉸剪聲，睇住剪牛雜，幾治癒。最後要一口咬落去白蘿蔔，清甜可口， 都幾正。

第一次幫襯，行過油麻地見到的，有時諗唔到晚飯想食咩，都幾中意掃街一碗細牛什$30，平時都少食牛什，就試下啦，一般肚心肺腸等部位都有，唔包牛腩比較特別係有脆骨，出面唔係間間都有，爽脆都幾有咬口其他都幾入味煮得幾淋，碗底仲有兩三塊塊細蘿白件，亦可以散叫由於附近都係舊區小巷，街邊檔頗有風味，唔洗排隊所以我先試下回味以前響筲箕灣嗰邊嘅舊樓流動小食檔更正宗(前題係未被趕走的話🥺)

那天途經油麻地的小巷遠遠被一間紅色燈光、大大個紅色招牌的小店完全吸引著~~🔴🔴🔴招牌上寫著“廟街牛什”~~🐮一於試一下~~🙆‍♀️🙆‍♀️🙆‍♀️牛什可以每款單點亦可選雜錦 (一串$15、細碗$30、大碗$60)~選好款式後店員會在即時在滿滿醬汁的鍋子裡選出食物🐮再用鐵剪刀將牛什剪下剪下~~✂️✂️✂️就會變出一碗滿滿的牛什啦~~這種就是香港掃街的特食風味~~💕之後可以自選調味了~~牛什一定要放甜醬 + 芥辣醬🙋‍♀️味道真的會提昇很多~~真的~~😍😍😍雜錦牛什 (細碗) ($30)🐮雜錦牛什有牛肚、牛腸、牛膀、牛肺最特別是有脆骨~~😗每個部位都有不同的口感🎈牛肚肉厚，微微爽口有嚼勁~~🎈牛腸彈牙，脂肪比例剛剛好，脂肪油香一流~~🎈牛膀夠粉，又不會太乾又實~~🎈牛肺淋滑，咬下咬下，又有一種像咬到泡泡紙的脆口感~~🎈脆骨爽脆，比雞軟骨的口感更脆更爽口~~一碗牛什有多種口感層次~~正~~🤤🤤🤤而且牛什完全吸收了濃郁的湯汁~~啖啖都入味~~真心好吃~~怪不得不斷有食客幫襯~~👫👬👭👫👭👭是一間絕對會回頭再幫襯的小店~~🎉P.S.喜歡香港的掃街文化就是站在街邊拿著小食，一口一口吃著~~😊不用坐著慢慢吃站著細

呢間牛雜舖由當年老闆仔嘅阿爸阿媽(估計係)年代已經開始幫襯，當時仲係車仔檔，喺衣家舖頭對住嘅廟街街口，當年斜對面仲有個阿姐賣炸豬大腸，堅好食，佢仲教我要食腸頭，回味！講返牛雜，基本上我就係鍾意呢檔夠刁鑽，可以食到好多出面無乜人做嘅部位，一般人食嘅肺、腸、膀、肚，除咗牛肺之外其他嗰d我都唔太鍾意食，因為嫌佢普通得滯，我嘅心水係脆骨同心定，脆骨其實就係喉嚨位置(應該係，除非唔係)，含大量軟骨，至於心定就係心臟頂嘅大血管，好爽架，質感似牛黃喉，如果大家都鍾意刁鑽位，咁就真係要試吓啦。

店前總有許多食客在排隊，如此樸素的店鋪能這麼吸引人的秘訣就是味道了：一碗牛雜裡有牛腩、牛腸、牛肺、蘿蔔等，種類繁多，牛雜燉的軟爛入味，風味各異，有的酥嫩，有的嚼勁十足，牛腩入口即溶，肥而不膩。牛肚軟嫩彈牙，帶著柱候醬的一點甜，真的是會上癮，最愛的是裡面的蘿蔔，去腥解膩。

一靠近店面就有一股怪味道，想說都來了還是嚐嚐看味道，買了一碗《牛什》裡面的內臟都有味道，裡面沒有一樣是好吃的，環境也蠻傻眼，態度也沒有很好還一直想強迫加點別的東西，然後《炸大腸》更讓人傻眼，感覺就是沒洗過的大腸全部都有一個臭味，整個就是大傻眼～大失望～不推薦～不推薦～不推薦。