御滿屋日本料理

Open Now

Now Closed

行出旺角基本上周街都係日式放題，但係要搵一間又平質素又高嘅放題就唔係咁容易喇。而御滿屋屋算得上係我食過咁多間放題其中一間CP值最高嘅，價錢公道而且食物質素非常高。一嚟到緊係點刺身先啦，依度所有刺身都好新鮮，特別係三文魚，超肥美。甜蝦都好鮮甜，另外帶子都好好好食，唔會有雪味。食放題就當然唔少得壽司同埋天婦羅啦，呢度嘅火炙左口魚燒得好好食，魚油嘅香味非常出。海膽手卷都好正，細細件，食幾件都唔會好飽。仲有我最鍾意既日式牛肉鍋，湯底超甜😍😍😍炸物都好多選擇，點左炸雞翼同埋炸蠔，外脆內軟，忍唔住追加左幾件🤤🤤🤤依個燒鵝肝係必食！超香！依度實在太多野食喇，未試哂就飽哂，下次要再黎先得！