樂天大喜屋 (Closed)

難得放假約friends，就book左平日的放題Lunch time，好彩都唔算好迫人。 一點完菜，肚仔餓既我地便急急腳去自助餐區拿前菜。呢度竟然有乳酪，仲要係明治牌！開心仔！ 我兩款都試晒，個人喜歡雜莓味。 飲品去了拿支裝。佢有好多香港便利商店和超市都少見的東南亞飲料。 最開心是仲要有雪條食。餐都未上我們就先食甜點。 試了舊玉子壽司，玉子幾好食。不過舊飯有啲散，散到夾都夾唔起。熱食仲攞了啲浸娃娃菜。都幾入味同淋。蟹粥都好滑兼入味。天婦蘿甜心番薯好迷你，但一放入口，甜味立即擴散至整遍味蕾。值得一試！ 平日午市客人少啲。侍應步伐冇咁急，點單都輕鬆啲，而且佢哋仲好好人幫我地影相。整體黎講都唔錯，下次放題可以考慮平日。