無双 (Closed)

同女朋友過黎食拉麵，見到ｅ間話好無双，於是就試下啦！我地叫左個二人套餐，我女朋友就叫左個豚骨魚介湯底，而我就叫鹽湯湯底，咁佢就有一個小食送呀！我地就要左個餃子！見到部機叫係度叫，就知有得食啦，佢地賣相都唔錯，隻流心蛋都幾靚，之後就開始食啦，我個鹽味湯底都幾正，但係我女朋友果個豚骨湯底就超咸，唔講以為食緊沾麵，好彩我有個湯底係度，可以share俾佢！土食返我個麵，其實ｄ麵質都唔錯，幾彈牙，隻蛋都唔錯，係有ｄ凍啦，塊叉燒都幾薄下，同埋我覺得ｄ麵都少左ｄ，太多芽菜啦，如果有得加底我相信都會幾好！最後二人餐重有兩個jelly送！