串Grill 自助燒烤專門店 (廣華街) (Closed)

心血來潮好想食串燒。 其實一直都好想食, 但好長時間冇機會, 今日就去食啦。旺角lee間串grill真係好grill. 早左放工, 行過入去, 未係好多人, 但坐落好快都坐滿咁制。以為佢舖位細細, 會好大陣味, menu得一張好似好少野食, 原來都唔係wor.佢部串燒機好過引, 可以比支鐵义自己轉之外, 亦唔會燒到好大煙, 好大陣味，燒野時間都控制得好好。 而且menu上既食物, 如果全都食佢5，6串, 真係會非常飽足同足夠，真係咩類型都有d, 好正呀。而坐底, 店員介紹點樣燒烤同用調味醬，都有好詳細既解說, 值得一讚。佢既野飲櫃都有2個, 雖然都似好一般既飲品, 但都好多, 幾多選擇。 最搞笑我攞左罐可樂竟然入面凍到有沙冰, 燒住飲真係好爽。佢既肉類新鮮, 我覺得夠選擇, 估唔到連雞蛋仔都有得燒, 真係第一次。 仲有我最喜歡既燒菠蘿，超甜。 今日真係燒得好開心。