臺北棧 (Hollywood Road) (Closed)

今晚放工朋友約我夜遊大館，夜晚既大館又有另一番味道，行完之後就係附近搵食，見到有間台灣野好多人排隊，我地當然唔執輸，排埋一份，果然食好野係要付出時間。手繪雙色鹽酥雞鹽酥雞外皮粉漿夠薄，炸到酥脆，雞肉嫩滑，仲好juicy，配有兩款醬汁，一款柚子味，一款黑松露味，兩款都咁好食。爆蔥牛肉麵叫得爆蔥，D蔥真係多到爆，蔥味好香，湯底亦都好濃，牛肉煮到好軟熟，刀削麵夠哂彈牙。溏心蛋魯肉飯半肥瘦既魯肉好入味，鋪滿成個飯，醬汁亦都好香。綠豆沙豆漿估唔到呢兩樣放埋一齊又幾夾，豆漿既清甜中和左綠豆沙既甜味，經典珍珠奶茶茶味香濃，珍珠亦夠煙韌。