老闆娘雲南米線

八號風球「洛克」僅歷時4小時，
過咗正午，大家見到外面完全冇風（僅有細雨），
開始四出活動，
屋企附近嘅戲院都幾近滿座。


睇咗一陣邊度無咁full，
最後決定去荃灣睇。
睇完戲，好少出荃灣嘅我見難得黎到，
應該食返D荃灣先有嘅特別野，
於是就向住新界西嘅朋友請教...


朋友推介咗「老闆娘雲南米線」，
咁我就開始Google Map，
唔算太難搵，好快就去到！

星期日8:40pm去到，
見到前面得7/8個人排排坐等緊炸！

我哋亦加入隊伍，
一邊坐一邊填點菜紙。

1

人龍比預期中少，
我哋等咗10分鐘就可以入座，好快！

炸物亦極速上檯！
下面呢碟係野菌腐皮卷，
可以見到餡料有菇同粟米。

野菌腐皮卷

至於呢碟就係魚肉響鈴👇
份量略嫌較少，
得３舊而且其中一舊係無餡嘅！

魚肉響鈴

魚肉響鈴咬開後：👇

魚肉響鈴

關於炸物的小評語：
-富有特色（其他地方應該搵唔到），
- 熱辣辣、剛剛炸起
可惜：
- 頗為油膩（無辦法，炸嘢係咁架啦！）
- 炸物黎到之後，
碗米線等咗好耐好耐先上檯，
擺到凍+硬曬，無咁好食。

清湯米線

我嗌咗上面2款貴餸➕清湯米線，52蚊。
怕辣嘅我以為只有清湯可以選擇，
一如所料清湯真的很清（只有蔥味）。
返到屋企，細心再睇睇openrice先發現
原來有「蒙古湯底」(孜然粉味)，
極度後悔無試到！


男朋友嗌咗1款普通餸（滷水金錢肚）
➕麻酸辣湯底（小辣），40蚊。

金錢肚麻酸辣米線

$40

佢話小辣對佢有點太辣了，
而且食到個嘴有麻痹嘅感覺。
最後仲等我食曬之後，
將D金錢肚浸下我D清湯先擺入口。

整體而言，「老闆娘雲南米線」除咗
米線彈牙、湯底濃郁、又夠大碗之外，
佢的確係好有特色，
餸嘅款式多數係一D其他普通米線店冇嘅嘢！
可惜今日我哋都唔太餓，
下次想試試「雲醬豬軟骨」
同埋個個都讚嘅「炸雞球」！