你妳 (運通洋樓) (Closed)

食台灣菜點少得台灣甜不辣同地瓜蕃薯條？今次揀咗原味椒鹽粉及香濃咖喱味，甜不辣切成薯條大小，同番薯條一齊炸至金黃香脆，仲有得揀脆度，口味非常個人化，值得推薦！小食仲有一口鹽酥雞，鹽酥雞嘅外皮炸得香脆卜卜，入面嘅肉汁豐富，食落真係有台灣本土嘅鹽酥雞味，台灣牛肉湯麵配醣溏心蛋及自家酸菜，牛肉嫩口，麻醬麵嘅麵底韌度適中，新鮮嘅青瓜配合溫度適中嘅麻醬麵，食落去口感清新爽利，可以一試～而滷肉汁燙青菜味道都唔錯，幫助消濟！飲品方面，炭培烏龍珍珠奶茶味道有驚喜～自從發現了小芋圓的存在，真係愛不釋手了，小芋圓裡面能吃到淡淡的芋頭、蕃薯味道，吃起來 Q 彈有嚼勁，大推介啊！另外，紅茶的茶底濃度適中，適合一啲愛茶嘅飲用，再配合埋牛奶，味道一拍即合！