名館 (Closed)

內地嘅朋友嚟到香港，依然都掛住家鄉嘅香辣菜式，問我喺香港有咩餐廳推介，之前食過銅鑼灣嘅名館，原來中環都有一間仲方便大家，所以，今次試吓中環。由於我哋只有兩個人，能夠食太多野，所以都要精挑細選揀少少野就好，費事食唔晒就浪費食品。風味口水雞＄68口水雞味道非常香濃，而且最緊要係本身隻雞嘅肉質都非常鮮嫩，加埋啲辣香十分吸引味蕾。食到非常之開胃。沸騰水煮滑魚片＄288佢哋就最鍾意食水煮嘅嘢，隔咗一陣最尾決定食魚。話明係沸騰嘅水煮魚！梗係有啲橋妙！原來係下面會有個火熱住嘢食，所以上面個位置千祈唔好亂咁碰，係非常高溫的。裏面啲魚片真係一粒骨都冇，而且都非常滑，不過就食唔出係什麼魚。食食吓先搞笑，越食越多唔同類型嘅野，裏面有薯粉都唔算出奇，繼而慢慢食到豬紅，午餐肉，娃娃菜，可以話係愈食愈豐富，所以兩個人去絕對夠食。香辣嘅味道係非常足夠，可能食唔到辣嘅話要同店員講少啲辣。唔少得講嘅係本身嘅蕎麥茶無限飲架，不過都會收返茶位，同埋啲濕紙巾都好搞笑😂